ცნობილმა მუსიკალურმა პროდიუსერმა, კონსტანტინე მელაძემ იმისათვის რომ ყველაზე სექსუალურ ჯგუფ "ვია გრა"-სთვის ახალი წევრები შეერჩია, გააკეთა რეალითი შოუ "მინდა ვია გრაში".

ასეთი პროექტი დსთ-ში ჯერ არ უნახავთ!

პროექტზე მუშაობა 2012 წლის ბოლოდან დაიწყო, მას შემდეგ რაც მელაძემ განაცხადა რომ ჯგუფი "ვია გრა" დაიშალა. ამ სიახლემ ჯგუფის ფანები შოკში ჩააგდო. ამ აჟიოტაჟის გამო კონსტანტინემ გადაწყვიტა გაეოცებინა "ვია გრას" თაყვანისმცემლები და ახალი შემადგენლობის შექმნის მიზნით შექმნა პროექტი "მინდა ვია გრაში".

პროექტის მიმართ ძალიან დიდი ინტერესია. გადაღებები და კასტინგები გაიმართა კიევში, მოსკოვში, ალმა-ატაში და მინსკში. ყველა გოგონა ოცნებობს მოხვდეს ამ ყველაზე სკანდალური ჯგუფის შემადგენლობაში.

ტელეშოუს წამყვანი არის ვერა ბრეჟნევა-ქალბატონი, რომელიც ხანგრძლივი დროის მანძილზე ამ ჟგუფის წევრი იყო და ვლადიმერ ზელენსკი-უკრაინელი მსახიობი.

უამრავი ლამაზი გოგონა ცდილობდა ამ შოუში მოხვედრას. ჟიურისთვის ძალიან რთული იყო შესარჩევი ტური, რათა ამდენ მსურველს შორის ეპოვათ ნამდვილი "ბრილიანტი".

კასტინგებს სკანდალის გარეშე არ ჩაუვლია, გოგონები ჟიურის მოხიბვლას არა მხოლოდ სიმღერით ცდილობდნენ... ერთ-ერთი მონაწილე გაშიშვლდა ჟიურის წინაშე. ასევე სკანდალური იყო მოსკოვში კასტინგზე მისული გოგონას განცხადება, რომ ეს შოუ მაშინ იქნებოდა პოპულარული, თუ მასში "ხახლუშკები" არ იქნებოდნენ( ანუ უკრაინელები).

შოუს მონაწილეებს რთული გზის გავლა მოუწევთ. გარდა სექსუალურობისა, გოგონები უნდა იყვნენ ვოკალური ნიჭით დაჯილდოვებულები და კარგად ცეკვავდნენ.

როგორც კონსტანტინე მელაძემ აღნიშნა:

"ახალი ვია გრა არამარტო სილამაზის ეტალონი უნდა იყოს, არამედ თანამედროვე პოპ-მუსიკის ეტალონიც."

რეალითი შოუ დაიწყო 6 სექტემბერს და ტრანსლირება მიდის რუსულ ტელე არხზე-НТВ-ზე.

მონაწილეთა ფოტოები




ძველი "ვია გრა"