ჩემი საყვარელი დრო შემოდგომაა. უფრო სწორად სექტემბერ-ოქტომბრის შუალედი, როცა არც ცივა არც ცხელა.. გრილა და საშუალება გეძლევა ატარო ერთი შეხედვით სრულიად შეუსაბამო სამოსი ერთად. მაგალითად შიფონის სარაფანი და ბათინკები, კარდიგანი და ტილოს მოკლე კაბა.. მაუსურზე დაუდევრად გადაცმული მსხვილად ნაქსოვი სვიტერი, ფეხზე კი სანდლები. მოკლედ შემოდგომა ის პერიოდია როცა ჩაცმა-დახურვის კუთხით ყველაზე მეტად "იღიძებს" კრეატივი. ასე რომ ჩემო კარგებო, ყველა ქალისთვის აქტუალურზე აქტუალურ საკითხს "რა ჩავიცვათ" შემოდგომაზე ყველაზე მარტივი გადაწყვეტა მოეძებნება. დღეს მინდა უშუალოდ კარდიგანების თემას შევეხო, იმიტომ რომ ნაქსოვი ჟაკეტი ეს ისეთი რამაა, რომელიც ყველაზე ქალური, კომფორტული და მოხდენილი აუტფიტის შექმნას უწყობს ხელს. მისი ტარება შეგიძლიათ ჯინსებზე, ტილოს ან შიფონის მოკლე კაბაზე, შორტებზე და ა.შ გთავაზობთ რამოდენიმე ორიგინალურ ლუქს რომელიც დაგეხმარებათ იმაში რომ კარდიგანთან სატარებელი სხვადასხვა სამოსი და აქსესუარი მარტივად შეარჩიოთ.