მელორ ვაჩნაძე 28 წლის ყოფილი პოლიტპატიმარია. იგი ცნობილია თავისი სკანდალური ქმედებებით ნაციონალური პარტიის წინააღმდეგ გამართულ აქციებში. 4 წელი ციხეში იმყოფებოდა და ახლა უკვე უფლებადამცველად მუშაობს და უამრავ ხალხს უწევს დახმარებას.

მელორ ვაჩნაძე პირველად 18 წლის იყო, როდესაც ცოლი მოიყვანა, მაგრამ მათი ოჯახი მალე დაინგრა. მელორს ერთი ქალიშვილი ყავს პირველი ქორწინებიდან.

მელორ ვაჩნაძის ახალი რჩეული კი 18 წლის ულამაზესი სტუდენტი, ნინი გოგოტიშვილია. ნინი თბილისის ღია უნივერსიტეტის, იურიდიული ფაკულტეტის სტუდენტია. წყვილმა ერთმანეთი გაიცნეს საერთო მეგობრების წრეში 5 თვის წინ, თუმცა მათ შორის ურთიერთობა მაშინვე არ დაწყებულა. მათი მეგობრობა მალე სიყვარულში გადაიზარდა და ერთი თვეა რაც შეყვარებულები არიან. ისინი დაქორწინებას ჯერ არ გეგმავენ.

ნინი გოგოტიშვილი "სტუდენტური სახის" კონკურსანტია და ამ კონკურსზე შემოსული თანხა კი მკერდის კიბოთი დაავადებულ ქალთა დასახმარებლად შექმნილ საქველოქმედო ფონდში გადაირიცხება.

მელორ ვაჩნაძესთვის ახალი სიყვარული ცხოვრების ახალი ეტაპის დასაწყისია.

გთავაზობთ მელორ ვაჩნაძისა და ნინი გოგოტიშვილის პირად ფოტოებს.