ნებისმიერ ქალს, მიუხედავად იმისა რამდენად აქცევს ყურადღებას ჩაცმა-დახურვის ფაქტორს, აუცილებლად გააჩნია საკუთარი, ყველასგან განსხავებული "მოდირუ სისუსტე", ეს შეიძლება იყოს ჩანთები, აქსესუარები, ფეხსაცმელები, პარფიუმერია და ა.შ ჩემი მთავარი სისუსტე ორი სახისაა - ჯინსები და სათვალეები.. თუმცა ამჯერად პირველ მათგანზე მსურს გესაუბროთ. ჯინსი, სამოსის ისეთი კატეგორიაა რომელში "გადაყრილი ფულიც" არასოდეს მიმაჩნია სისულელედ. ეს იმიტომ, რომ მისი ჩაცმა სეზონურად ნებისმიერ სეზონზეა შესაძლებელი, კომფორტულია, მუდამ მოდური და ერგება ყველა სახის "აუტფითს", შესაბამისად ჯინსით წასვლა შესაძლებელია ყველგან - ოფისში, პიკნიკზე, გლამურულ ივენთზე და თეატრშიც კი. ოღონდ თითოეულ შემთხვევაში, აუცილებელია კონკრეტული სახის აქსესუარის, ფეხსაცმლის და მაკიაჟის სწორად შერჩევა, რათა შესაბამის სიტუაციაში სწორად მოახდინოთ ლავირება საკუთარი იმიჯით. მინდა რამოდენიმე კონკრეტული "აუტფიტი" შემოგთავაზოთ, რომელიც გაგიადვილებთ ჯისნებთან სამოსის და აქსესუარების შერჩევის საკითხს.