განა ხშირად შეხვდებით კუს, რომელიც სიგარეტს ეწევა? მას პატრონი უკვე 10 დღეა აკვირდება. კუმ მოწევა თავიდან სულ თვითონ, საკუთარი სურვილით დაიწყო. ის პოულობდა გადაგდებული სიგარეტის ნამწვავებს(რაღა თქმა უნდა ანთებულს) და ეწეოდა. როცა მისი პატრონი-ტანგი ეწეოდა, კუ ჩურჩულისმაგვარ ხმებს გამოსცემდა. ტანგმა ეს შეამჩნია და მოკიდებული სიგარეტი შესთავაზა. ისიც უკვე 10 დღეა ოფიციალურ მწეველთა რიგებს შეუერთდა. საინტერესოა, რამდენ ხანს ეწეოდა "ჩუმად"? მისი პატრონი ჩინეთში, ქალაქ ჩანჩუნში მცხოვრები შეფ-მზარეულია. ის წუხს, რომ სიგარეტის ხარჯი გაუორმაგდა. ტანგი შველას სთხოვს ვეტერინარებს, რადგან კუს ნიკოტიდამოკიდებულად მიიჩნევს.