საფრანგეთის გასული ჩემპიონატის მესამეადგილოსანი “ლიონი”, მიუხედავად დიდი სურვილისა, შესაძლოა, საკუთარი ლიდერის გარეშე დარჩეს.
24 წლის მაქსიმ გონალონმა თავისი თამაშით ევროპული კლუბების ყურადღება მიიქცია, რომელთა შორის იტალიური “ნაპოლიცაა”. L’Equipe-თან საუბარში ეს ინფორმაცია ლიონელთა პრეზიდენტმა ჟან-მიშელ ოლამაც დაადასტურა.
“მიუხედავად იმისა, რომ გონალონის გაყიდვას არ ვგეგმავ, მასთან დაკავშირებით მიღებული შეთავაზებების სიმრავლეს ვერ დავმალავ. ერთ-ერთი მათგანის თანახმად, 15 მილიონ ევროზე მეტს გვთავაზობენ”, - აღიარა ოლამ.
მაქსიმს “ლიონთან” მოქმედი კონტრაქტი 2016 წლის ზაფხულამდე აკავშირებს. გონალონი ამ კლუბის აღზრდილია, ბოლო ორ წელიწადში გუნდის ლიდერად იქცა და საფრანგეთის ჩემპიონატის გასულ სეზონში ჩატარებულ 35 მატჩში 3 გოლი გაიტანა.

ზურა ქსოვრელი

www.worldsport.ge