-სრულიად საქართველოს კათოლიკოს პატრიარქი 17 მაისს განვითარებულ მოვლენებს გამოეხმაურა. ილია II მწუხარებას გამოთქვამს აქციაზე ქართველი სამღვდელოების ქცევის გამო. ამის შესახებ ილია II-მ სამების ეკლესიაში განაცხადა. ყოვლად მიუღებელია ის იდეები რაც უნდათ დანერგონ საქართველოში, მაგრამ ძალიან სამწუხაროა ისიც, რომ ქართველი სამღვდელოება უზრდელად იქცეოდა. მინდა ყველას მოვუწოდო სიმშვიდისკენ. არ შეიძლება სხვას შეურაწყოფა მივაყენოთ. ბოროტებას მხოლოდ სიკეთე და სიყვარული კურნავს, აღნიშნა პატრიარქმა.