- ორმხრივი სროლა მუხიანში. შეიარაღებული დაპირისპირება დღეს სამართალდამცველებსა და ყაჩაღებს შორის მოხდა. რამდენიმე საათის წინ სამი პირი საქართველოს ბანკის ფილიალს დაესხა თავს. ორი თავდამსხმელი დაკავებულია და ერთზე ძებნაა გამოცხადებული. ცნობილია, რომ თავდამსხმელებს ნიღბები ეკეთათ და ერთ-ერთი ეგრეთ წოდებული გადაჭრილი თოფით იყო შეიარაღებული.

- თავდასხმიდან რამდენიმე წუთში კრიმინალური პოლიცია მივიდა ადგილზე და ეჭვმიტანილების აყვანის ოპერაცია დაიწყო. შემთხვევის ადგილიდან ამოიღეს თავდასხმის იარაღიც. გავრცელებული ინფორმაციით სამართალდამცველებს, შესაძლო თავდასხმის შესახებ, ოპერატიული ინფორმაცია ჰქონდათ. ეჭვმიტანილებმა ბანკიდან თანხის წაღება ვერ მოახერხეს და შინაგან საქმეთა სამინისტროს ინფორმაციით ორმხრივი სროლის დროს არავინ დაშავებულა.

- ბოლო ერთი თვის განმავლობაში, ამ კონკრეტულ ფილიალზე, თავდასხმის უკვე მეორე შემთხვევაა. პირველი შემთხვევა ამ დრომდე გაუხსნელია. ვრცელდება ინფორმაცია, რომ დღეს მომხდარი თავდასხმისას დაკავებულები არიან წინა წაჩაღობის მონაწილეებიც.