მადრიდის “რეალის” ფორვარდი გონსალო იგუაინი ტურინის “იუვენტუსში” გადასვლაზე თანახმაა. Goal.com-ის ცნობით, არგენტინელმა “ბებერ სინიორას” უკვე შეუთვალა, რომ იტალიაში თამაში სურს და ახლა, ჯერი კლუბებზეა.
სადღეისოდ, მოლაპარაკება “იუვენტუსსა” და “რეალს” შორის მიმდინარეობს. ჯერჯერობით, კლუბები სატრანსფერო ფასზე ვერ თანხმდებიან. “იუვენტუსი” თავდამსხმელში 20 მილიონ ევროს იხდის, “რეალი” კი, 25 მილიონს ითხოვს. ტურინში გადასვლის შემთხვევაში, იგუაინის წლიური ანაზღაურება 6 მილიონი ევრო იქნება.
ცნობისათვის, მიმდინარე სეზონში, იგუაინის ანგარიშზე 14 გოლია.

ირაკლი ჯაფარიძე

www.worldsport.ge