საინფორმაციო სააგენტო "პრაიმერის" ინფორმაციით ყოფილ მარალჩინოსნებს და დღეს ინტერპოლისგან ძებნილ სოსო თოფურიძეს, დათა ახალაიას და მეგის ქარდავას გეგმები შეეცვალათ.19 აპრილის წინა ღამეს ელოდებოდნენ ზემოთ ჩამოთვლილ სამეულს და სარფის საზღვარზეც კი იყო მობილიზებული არა მარტო პოლიცია, არამედ ჟურნალისტთა კორპუსიც.წყაროს ცნობით, ისინი თურქეთში მდებარე ქალაქ რიზეს ერთ - ერთ სასტუმროში იმყოფებოდნენ და სასტუმროს ფანჯრებიდან ადევნებდნენ თვალს ჟურნალისტებსაც და პოლიციასაც.როგორც წყარო ამბობს, იმ ღამესვე დატოვეს მათ რიზე.

მიღებული გამოცდილებებიდან, რომელიც უხვად დაგროვდა ქართულ სინამდვილეში, დათა ახალაია უფრო ჭკვიანი აღმოჩნდა, ვიდრე მისი ძმა ბაჩანა ახალაია, რომელიც "ნაციონალებისა" და ახალი ხელისუფლების მსხვერპლი გახდა, მძევლად ჩაბარდა ხელისუფლებას და მარტივად გაება "ნაციონალებისა" და "ქართული ოცნების" მიერ დაგებულ ერთობლივ მახეში. დათა ახალაიამ კი საქართველოს საზღვარი თავის ორ მოკავშირესთან სოსო თოფურიძესთან და მეგის ქარდავასთან ერთად სასწრაფოდ დატოვა.

როგორც კულუარებში საუბრობენ, მათთან მოლაპარაკებას აწარმოებდა გია ხუხაშვილი, ლაშა ნაცვლიშვილი და დავით ჩხარტიშვილი, თუ რა მოტივაცია ჰქონდა ამ მოლაპარაკებას“საზოგადოებამ კარგად იცის ყოველივე.თუმცა ხუხაშვილს და მის თანამოაზრეებს გეგმები ჩაეშალათ, რადგან ახალაია თანმხლებ პირებთან ერთად სხვა ქვეყანაში გაემგზავრა.

ვრცელდებოდა ინფორმაცია, რომ დათა ახალაიას ვიდეომიმართვა უნდა ეწარმოებინა ვანო მერაბიშვილის წინააღმდეგ, რომლის ჩაწერასაც მისგან ამ მოლაპარაკებაში მონაწილე ჯგუფის წევრები გია ხუხაშვილის ხელმძღვანელობით მოითხოვდა, მაგრამ -"ირაკლი ოქრუაშვილს ვერ დავემსგავსები, ბოზობას ვერ დავიწყებ და ჩემს გასაკეთებელ საქმეს უცხოეთიდან მივხედავ, კომპრომატების ომს იქედან გავაგრძელებ"- განაცხადა დათა ახალაიამ.