კვლავ ვუბრუნდები თემას, რომელიც არა მარტო მე, არამედ ჩემს ირგვლივ მყოფ საზოგადოებასაც აწუხებს.უამრავი დაპირისპირებისა თუ სატელევიზიო დებატების მოწმენი გავხდით ბოლო დღეების განმავლობაში "რაბათის ციხის" გარშემო ატეხილ აჟიოტაჟთან დაკავშირებით.მრავალი განცხადება და პრესკონფერენციები მიუძღვნეს ახალციხის "რაბათს", მაგრამ საკითხი კვლავ გაურკვეველი რჩება.ალბათ დამეთანხმებით, მთავრობა იმიტომ არ შეცვალა ქართველმა ერმა, რომ აშენებული ანგრიოს და დანაპირები დაივიწყოს.

არაადეკვატურ განცხადებებს აკეთებს თავად კულტურის მინისტრის მოადგილე მარინე მიზანდარი, როცა აცხადებს, რომ ბიძინა ივანიშვილის ბიზნეს-ცენტრი თანამედროვე არქიტექტურის ნიმუშია -"გაბედული, შემოქმედებითი, ძალიან საინტერესო ხელოვნების ქმნილებაა".აღნიშნული განცხადება მან გადაცემა "აქცენტებში" გააკეთა.თუმცა მკაცრად გააკრიტიკა რიყის ტერიტორიაზე მშენებარე ნაგებობები და ფსევდო არქიტექტურასა და თანამედროვე ხელოვნების ნიმუშებზე ისაუბრა.მისი განმარტებით, ნებისმიერი ნაგებობა არსებულ ლანდშაფტს უნდა შეესაბამებოდეს.

როგორც უმცირესობის წევრი გიორგი ვაშაძე იტყოდა, მართლაც სასაცილოა ახალი ხელისუფლების ზოგიერთი წარმომადგენლისგან ასეთი თამამი განცხადებების გაკეთება და შემდეგ მისი მოსმენა.ციტირებას ვახდენ -"სასაცილოა, ახალ ხელისუფლებას მეტი საქმე არ აქვს, რაბათზე რომ არ ისაუბროს?მოახმაროს ენერგია დაპირებების შესრულებას.. მაშინ, როცა მოსახლეობას ბევრი სოციალური პრობლემები დაუგროვდა, რაბათის გუმბათის ფერზე საუბარი უადგილოა".

მართლაც უადგილო და გაუმართლებელია ჯერ საყოველთაოდ ატეხილი განგაში და შემდეგ მინისტრის მოადგილის მარინე მიზანდარის განცხადებები, რომელიც ყოველგვარ ჩარჩოებს სცილდება, როცა აცხადებს, რომ პრემიერის ბიზნეს-ცენტრი "ხელთუქმნელი ქმნილებაა" და "რაბათის გუმბათი" ან რიყის ნაგებობები დასანგრევი ან სარესტავრაციო და ა.შ.საზოგადოებას ნაკლებად აინტერესებს ბიზნეს-ცენტრიც და ივანიშვილის მილიარდებიც.საზოგადოება სიახლეს ელოდება, სამუშაო ადგილებს ელოდება და ყველაზე მთავარს - ცხოვრების პირობების გაუმჯობესებას ელოდება.