დღეს, ნეო-ნაცისტურ-ტერორისტული დაჯგუფების ერთ-ერთი მთავარი წევრის სასამართლო პროცესზე ცნობილი გახდა, რომ გერმანიაში მოქმედი ჯგუფის წევრი 129 ადამიანია და ეს რიცხვი გამოძიების მიმდინარეობის დროს შეიძლება კიდევ უფრო გაიზარდოს.ცნობილია, რომ აღნიშნულ ქსელს გააჩნდა საკუთარი ბიუჯეტი, ყალბი დოკუმენტები, სხვადასხვა სახის იარაღი და ზოგადად, ჰქონდა კარგად ორგანიზებული სახე.

უვე მუნდლოსი, უვე ბუნჰარდტი და ბეატრ ზშაპი გახლდნენ იმ დაჯგუფების დამაარსებელნი, რომელმაც ათი ემიგრანტი და ერთი პოლიციელი ქალი იმსხვერპლა.

ნეო-ნაცისტური ტრიოს მოკლე ბიოგრაფია:

უვე მუნდლოსი - აკადემიურ ოჯახში გაზრდილი 38 წლის მამაკაცი.მისი მამა პროფესორი გახლდათ.მიუხედავად კარგი განათლებისა და უმაღლესში სწავლის სურვილისა, საპირისპირო გზას დაადგა.მან თავის წითელი ფერის ფორდ-ესკორტს შემდეგი სერია და ნომერიც კი გაუკეთა: J-AH 41 (AH- ადოლფ ჰიტლერის ინიციალები).

უვე ბუნჰარდტი ძირითადად უმუშევარი, ზოგჯერ კი დამხმარე მუშა იყო.იგი მიჩნეულია, როგორც დაჯგუფების ექსპერტი იარაღის საკითხში.1997 წელს იგი 2 წლითა და 3თვით ჩასვეს ციხეში იმისათვის, რომ ერთ-ერთ საავტომობილო ხიდზე დაკიდა თოჯინა ებრაელის აღნიშვნით და ზედ გაუკეთა წარწერა “ფრთხილად ბომბი".

ბეატრ ზშაპი განათლებული მებაღე და ხანგრძლივი დროის განმავლობაში უმუშევარი იყო.მან შექმნა საკმაოდ ექსტრემალური მონოპოლიური თამაში, სადაც ციხეს უწოდა საკონცენტრაციო ბანაკი.მას მჭიდრო კავშირი ჰქონდა ორივე ზემოთნახსენებ მამაკაცთან და გამოირჩეოდა მკაცრი ხასიათით.მან შეკამათებისას ერთ-ერთ ქალბატონს მხარიც კი მოსტეხა.

ამჟამად სამართალდამცავები მუშაობენ დაჯგუფების წევრების დადგენასა და დაკავებაზე.