ბარსელონას ზოოპარკში ოთხი ლომი დაინფიცირდა კორონავირუსით. დაწესებულების დირექტორის განცხადებით, მათ მხოლოდ მცირეოდენი გამონადენი ჰქონდათ ცხვირიდან, ზოგადად კი თავს კარგად გრძნობენ. მისივე თქმით, მინიმუმ ერთი ცხოველი დაინფიცირდა ასიმპტომატური მომვლელისაგან და შემდეგ დანარჩენ სამ ლომშიც გავრცელდა ვირუსი.

ეს არ არის ერთადერთი შემთხვევა, როდესაც კორონავირუსით ცხოველები დაინფიცირდნენ. ჯერ კიდევ აპრილში ნიუ-იორკის ზოოპარკში ვეფხვს დაუდასტურდა ვირუსი. არსებობს შესაძლებობა, რომ ცხოველებისაგან ვირუსი კვლავ ადამიანებზე გავრცელდეს, თუმცა ბარსელონას ზოოპარკის დირექტორის განცხადებით, ეს პრაქტიკულად შეუძლებელია, რადგან ამისათვის დამთვალიერებლები ძალიან ახლოს უნდა იყვნენ ცხოველებთან, რაც გამორიცხულია.

შესაძლებელია, რომ კორონავირუსით დაინფიცირდნენ ასევე შინაური კატებიც, ამიტომ მათ პატრონებს გაფრთხილება მართებთ, მით უფრო, თუ ოთხფეხები სახლის გარდა, გარეთაც სეირნობენ.

ცნობისთვის, რამდენიმე კვირის წინ დანიაში კორონავირუსი დაუდასტურდათ ნუტრიებს, რომელთა ბეწვიც ქურქების წარმოებაში გამოიყენება. ცხოველებისგან ადამიანებს მუტივირებული ვირუსი დაუბრუნდათ, რის გამოც ქვეყნის ხელისუფლებამ ნუტრიების რამდენიმე ფერმა გაანადგურა, რაც მილიონობით ცხოველის მოკვლას ნიშნავს.

ასევე საინტერესოა:

კოვიდ-19-მა მუტაცია განიცადა – მსოფლიოს ყურადღება დანიისკენა მიმართული

კოვიდ-19-ის ახალი სიმპტომი – აჩლუნგებს თუ არა კორონავირუსი?!