ბუნებას ძალიან კარგი იუმორის გრძნობა აქვს, ამის მისახვედრად საკმარისია მხოლოდ შეხედოთ რამოდენიმე ცხოველის გარეგნობას. მე თქვენთვის შევარჩიე 6 ასეთი ცხოველი, რომელთაგან სამს ამ სტატიაში წარმოგიდგენთ, სამს კი მომდევნოში. ნახეთ და გაიღიმეთ !!!

ფენეკი, ანუ მინი-მელია: მინიატურული მელია, ყველაზე პატარაა ძაღლისებრთა ოჯახიდან. ცხოვრობს ჩრდილოეთ აფრიკაში.

როგორ გამოიყურება? შეუძლებელია ის ვერ შეაამჩნიო, მაშინვე იპყრობს ყურადღებას უზარმაზარი ყურები და თვალები. ფენეკს აქვს თავისუბური მაღალი, ხშირი და რბილი მოთეთრო-მოწითალო ბეწვი. ახალგაზრდა მინი-მელიები ქათქათა თეთრი ბეწვით არიან დაფარულები. ზომით ფენეკი ჩვეულებრივ კატაზე ცოტათი პატარაა. სიმაღლე 22 სმ, სიგრძე 40 სმ, წონა 1.5 კგ.

საინტერესოა, რომ ფენეკი თავის ნაწარმოებებში მოიხსენია სხვადასხვა მწერლებმა.მაინ რიდმა "ახალგაზრდა მონადირეებში", ანტუან დე სენტ-ეკზუპერმა "ადამიანთა პლანეტაში" და "პატარა უფლისწულში".

ეს საყვარელი ცხოველი შეგიძლიათ იხილოთ დუბაისა და პრაღას ზოოპარკებში.

საიმპერატორო ტამარინი: ეს პრიმატი ამაზონის ნოტიო ჯუნგლებში ცხოვრობს სამხრეთ-აღმოსავლეთ პერუს, ჩრდილო-დასავლეთ ბოლივიისა და ჩრდილო-დასავლეთ ბრაზილიის რეგიონებში.

როგორ გამოიყურება? საიმპერატორო ტამარინს მაშინვე იცნობთ გრძელი თეთრი ულვაშებით, რომლებიც მკერდზე ეშვება. თავისი ცხოვრების უდიდეს ნაწილს მაღალ ხეებზე ატარებენ. სიგრძე 23, 3-26, 4 სმ, კუდის სიგრძე 36 - 42, 1 სმ, წონა 180-250 გრამი.

როგორც წესი ტამარინები ჯგუფებად ცხოვრობენ. ასეთ ჯგუფებში არის იერარქიული წყობა. უფროსი მდედრია.

ტამარინი შეიძლება ლონდონის ზოოპარკში ნახოთ (ZSL London Zoo).

ლორი: პრიმატი, ელუთვნის ლორისმაგვართა ჯგუფს. ცხოვრობს ინდოეთში, ჩინეთის ზოგიერთ რაიონში და სამხრეთ-აღმოსავლეთ აზიის ქვეყნებში.

როგორ გამოიყურება? ეს საყვარელი პატარა მაიმუნი შეიძლება დიდი, შავი თვალებით იცნოთ. სხეულის სიგრძე 22-44 სანტიმეტრი. კუდი სხვადასხვა სიგრძის აქვთ, ან საერთოდ არ აქვთ.

ლორი ხეებზე ძრომიალის მოყვარულია. დღისით სძინავს, ფუღუროში, ან ფოთლებში დამალულს, აი ღამით კი ერთობა და დროს აქტიურად ატარებს. ამ ცხოველს შეუძლია საათობით ეკიდოს ტოტზე თავდაყირა მდგომარეობაში.

ლორი შეიძლება იხილოთ ლონდონის (ZSL London Zoo) და რიგის ზოოპარკებში.