დაახლოებით 38 წლის წინ ექიმებმა კენჭი ყარეს და შვიდი ხმით ექვსის წინააღმდეგ გადაწყვიტეს, რომ მანანა ქართველიშვილისათვს აბორტი არ გაეკეთებინათ. ბავშვიც გაჩნდა, მის გამო დედის ჯანმრთელობის მდგომარეობა ბეწვზე ეკიდა, საბედნიეროდ ყველაფერი კარგად დამთავრდა. ეს ბავშვი კი თბილისის მერი, გიგი უგულავა გახლავთ.

გიგის მამა, არჩილ უგულავა ფიზიკოსია. ქალბატონი მანანა კი ინგლისური ენის სპეციალისტი გახლავთ. პატარა გიგის მათემატიკური საგნები ძალიან უყვარდა. მშობლებს უნდოდათ ბავშვი გოგო ყოფილიყო, რასაც ის ძალიან განიცდიდა. "მე უნდა ვყოფილიყავი გოგო?"-კითხულობდა განაწყენებული ბავშვი.

გიგი უგულავას პირველი ქორწინებიდან 2 ქალიშვილი ჰყავს. გიგი ამჟამად დაქორწინებულია ლელა კილაძეზე, რომელთანაც ერთი ვაჟი ჰყავს. 25 მარტს ლელა კილაძის დაბადების დღე იყო, პირველი დაბადების დღე, რომელზეც გიგი უგულავა და იუბილარი მეუღლეების გარეშე იყვნენ. სწორედ მაშინ აგორდა ჭორები, ამბობდნენ, ლელას ქალაქის მერთან რომანი აქვსო. "prime time"-ს ანონიმური რესპოდენტი უამბობს: "საქმიანობიდან გამომდინარე ლელას ხშირად უწევდა გიგისთან კონტაქტი. თითქოს ვატყობდი კიდეც, რომ მათ შორის რაღაც ხდებოდა, მაგრამ ვიცოდით, რომ გიგის ცოლ-შვილი ჰყავდა, ისევე, როგორც ლელას-ოჯახი, ამის გამო ვერაფრით ვიჯერებდით იმას, რასაც ვეჭვობდით. ლელასაც ვკითხე, რაღაც ხომ არ არის-მეთქი და ისეთი კატეგორიული უარი მივიღე, რომ მერე აღარც მიფიქრია ამაზე, ვიდრე თვითონ არ დამიძახა და მითხრა: "აღარ შემიძლია, სამსახურიდან უნდა წავიდე, რაც ნაკლებად ვნახავ, მით უკეთესი იქნებაო". პირი ღია დამრჩა, რა უნდა მეთქვა, მაგ დროს ლელა მერიის ადმინისტრაციის უფროსის მოადგილე იყო და მართლაც წავიდა მერიიდან, პრეზიდენტის ადმინისტრაციაში გადავიდა სამუშაოდ. ახლა კი ამ დაბადების დღეზე თითქოს ყველაფერი გამოაშკარავდა."

ლელას მზითევში ორი ვაჟი მოჰყვა და ასე იქცა გიგი უგულავა მრავალშვილიან მამად. წყვილი საკუთარი სიყვარულის ისტორიაზე არ საუბრობს. იმასაც ამბობენ, რომ გიგი ბიუჯეტის ხარჯებით უკეთებდა პლასტიკურ ოპერაციებს მეუღლეს. უმეტეს შემთხვევაში, როდესაც ის საზღვარგარეთ მიდიოდა ლელა მისი თანამგზავრი გახლდათ, ცხადია ეს ყველაფერიც საქართველოს ბიუჯეტიდან ფინანსდებოდა... გავრცელებული ჭორების მიხედვით, ალასანია დუბაიში სწორედ უგულავას ცოლთან და მის დაქალებთან ერთად მგზავრობდა. ლელა თანამდებობის პირებზე მონადირედ შერაცხეს და ამბობენ, ახლა ალასანიას მოხიბვლას ცდილობსო.