მაიამიში 59 წლის ასაკში გარდაიცვალა ქალი, რომელმაც თითქმის მთელი თავის ცხოვრება კომაში გაატარა.საუბარია ედუარდა ო'ბარაზე, რომელსაც თავის დროზე საინფორმაციო საშუალებებმა "მძინარე ფიფქია" უწოდეს. 16 წლის ასაკში ო'ბარა ჩავარდა დიაბეტურ კომაში და იმის შემდეგ არცერთხელ არ "გაუღვიძია" 42 წლის განმავლობაში.აღსანიშნავია, რომ თვალები ედუარდას ყოველთვის ღია ჰქონდა, თუმცა გრძნობაზე ვერ მოდიოდა.მას არ ესმოდა საუბარი, ვერც ხედავდა და საერთოდ ვერ აღიქვამდა გარე სამყაროს.კომის წინ გოგონას ბოლო სიტყვები დედისადმი იყო მიმართული:"სიტყვა მომეცი, რომ არ მიმატოვებ", დედას მთელი ცხოვრება დაამახსოვრდა ქალიშვილის თხოვნა და შემდგომი 35 წლის მანძილზე არ მოშორებია შვილის სასთუმალს.იგი ედუარდას უხდიდა დაბადების დღეებს, უვლიდა და მაშინ თუ სტოვებდა, როდესაც ძილი მოერეოდა, ან შხაპი უნდა მიეღო.2008 წელს დედა გარდაიცვალა, ხოლო მისი მოვლა მისმა დამ გააგრძელა.სწორედ დის ხელში გარდაიცვალა ედუარდა."ედუარდამ უბრალოდ დახუჭა თვალები და დედასთან გაემგზავრა სამოთხეში"-განაცხადა კოლინ ო'ბარამ.