ჩინეთიდან ჩამოყვანილი საქართველოს 34 მოქალაქე საჩხერის სამედიცინო ცენტრთან არსებულ სასტუმროში მოათავსეს.ექიმ მაია ხელაძის განცხადებით სასტუმროში მოთავსებულებს ორი კვირის განმავლობაში დააკვირდებიან. მათ უკვე დაურიგდათ ინსტრუქცია, სამედიცინო პერსონალიც შესაბამისად არის აღჭურვილი.ეს ტერიოტორია იმიტომ შეირჩა, რომ ვირუსის გამოვლენის შემთხვევაში პერიმეტრზე სტაციონარის განყოფილებაა, სადაც სამედიცინო დაწესებულებას მათი მკურნალობისთვის შესაბამისი პირობები გააჩნია.

შეგახენებთ, გუშინ სახელმწიფოს დახმარებით, სპეცრეისით საქართველოში ჩამოიყვანეს ჩინეთში მცხოვრები საქართველოს მოქალაქეები, რომლებიც სხვადასხვა მიზეზის გამო სამშობლოში დაბრუნებას ვერ ახერხებდნენ.

თბილისის საერთაშორისო აეროპორტში საქართველოს მოქალაქეებს ეპიდემიოლოგებისა და ექიმებისგან შემდგარი ჯგუფი დახვდა. აეროპორტში შემოწმებისას არც ერთ პირს კორონავირუსთან დაკავშირებული საეჭვო სიმპტომები არ დაუფიქსირდა.

დღევანდელი მონაცემებით მთელს მსოფლიოში კორონავირუსი COVID-19-ით 76 806 პაციენტია დაავადებული. (აქედან ჩინეთში-75 891)

727 შემთხვევა დაფიქსირდა იაპონიაში, 208 სამხრეთ კორეაში, 86 სინგაპურში, 30-აშშ-ში, 35 ტაილანდში, 22 მალაიზიაში.მთლიანად კორონავირუსი დაფიქსირებულია 26 ქვეყანაში დღეისთვის გარდაცვლილია 2393 ადამიანი, მთლიანად გამოჯანმრთელდა 18 000-ზე მეტი.