ამერიკელ ქალებს, რომლებიც სხვებზე მეტად ამაყობენ თავიანთი დამოუკიდებლობით, დიდი სურვილი აქვთ, რომ მამაკაცები კვლავ მამაკაცურები გახდნენ. მოდაში სიმკაცრე და უხეშობა შემოდის, ხოლო მანიკურიანი და ზედმეტად მოვლილი მამაკაცები წარსულში რჩებიან.

ამერიკელ ქალებს ბოლო ხანებში იდეალურ მამაკაცზე შეხედულება შეეცვალათ. საავტომობილო კომპანია "დოჯის" დაკვეთით ერთ-ერთმა ანალიტიკურმა კომპანიამ გამოკითხვა ჩაატარა, რომლის მიზანიც იდეალური მამაკაცის გამოვლენა იყო და გასაოცარი შედეგი მიიღო. ქალების 61 პროცენტი აცხადებს, რომ ნამდვილ მამაკაცს ძლიერი და უხეში, ნამუშევარი ხელები უნდა ჰქონდეს. მანიკურიანი ხელები მხოლოდ დედიკოს ბიჭებს აქვთ.

ქალების უმრავლესობა მიიჩნევს, რომ იდეალური პარტნიორის სასურველი თვისება საიმედოობაა. 62 პროცენტის აზრით, ყველაზე დიდი ღირსება მამაკაცისთვის სიძლიერეა. მხოლოდ 16 პროცენტისთვისაა სასურველი, რომ იდეალური მამაკაცი მოდის შესაბამისად იყოს ჩაცმული.