თურქეთში, ანტალიის პროვინციაში, დიოშემეალთში საოცარი სანახაობა შეგიძლიათ იხილოთ. უზარმაზარი ველები დაფარულია ნამდვილი ხალიჩებით, რომელიც ღია ცის ქვეშ მზის სხივებს ეფიცხება. ხალიჩებით დაფარული ტერიტორიის ფართობი რამდენიმე ჰექტარს აღწევს. ხედი უბრალოდ წარმოუდგენელია, მაგრამ ჩნდება კითხვა: რატომ ფარავენ მინდორს ლამაზი ხელნაკეთი ნივთებით?

ამას აკეთებენ თანამშრომლები ხალიჩების სახელოსნოებიდან, რომლითაც დიოშემეალთი საუკუნეების განმავლობაში ცნობილია. მზეზე გააქვთ როგორც ახალი, ასევე ძველი ხალიჩები. აქ ქსოვენ ახალ ნივთებს, ასევე არემონტებენ ძველს. გარეთ ხალიჩები გაფენილია იმისთვის, რომ მათმა ფერმა რბილი, სასიამოვნო ჩრდილები შეიძინოს.

მეორე მიზეზია ხალიჩების დეზინფექცია, რომლის მასალაც ბუნებრივი მატყლია. ულტრაიისფერი სხივები ანადგურებს ჩრჩილის კვერცხებს, ასევე სოკოს და ობის სპორებს, რომლებიც ხშირად გვხვდება ხაოში. ხალიჩაზე მოქმედებს არა მხოლოდ მზე, არამედ დილის ნამი. მისი ზემოქმედებით ბეწვი რბილდება, ხოლო ფერი უფრო ერთგვაროვანი ხდება.

დიდი ხანია შემჩნეულია, რომ ინტერიერის პასტელური, ჩახშული ფერების ნივთები უფრო პოპულარულია ტურისტებს შორის. მათ აქვთ კეთილშობილური, ანტიკვარული გარეგნობა და მასზე მაღალი ფასის დადება შეიძლება.

ხალიჩები გარეთ გაფენილია არა სიზარმაცის გამო და არა ერთი დღით. ისინი სუფთა ხალიჩაზე 2-3 თვე გაფენილია, სანამ ოსტატი სასურველ ეფექტს არ დაინახავს. ამის შემდეგ ხალიჩები იწმინდება და გასაყიდად გადის.

ერთდროულად 25 ათასამდე ხალიჩის ნაწარმი შეიძლება იყოს გაფენილი მინდვრებში! ეს წარმოუდგენელი სანახაობაა, რომელიც იზიდავს ტურისტებს მთელი მსოფლიოდან. ისინი იღებენ ფოტოებს ხალიჩებით მოფენილი მინდვრების ფონზე და სიამოვნებით ყიდულობენ მათ ადგილობრივი ხელოსნებისგან. ფერის გაუმჯობესების უძველესი ტექნოლოგია მუშაობს როგორც რეკლამა და იზიდავს კლიენტებს.

ასევე დაგაინტერესებთ:

იცით, რატომ ვამბობთ „ალოს“, როდესაც ვპასუხობთ ტელეფონის ზარს?

იცით, რას იყენებდნენ ადამიანები ტუალეტის ქაღალდის გამოგონებამდე?

იცით, რატომ აშენებენ ჰონგ–კონგში „ხვრელიან“ ცათამბჯენებს?

როგორ დაამარცხეს კორეელებმა მოწყენილობა წვიმების სეზონზე

იცით, რატომ აშენებენ ბრიტანელები ტალღოვან ღობეებს