დახვეწილი დესერტი, მომზადებული ჰაეროვანი ცილოვანი სუფლესგან ჟელატინის დამატებით და დაფარული შოკოლადის მინანქრის თხელი ფენით.

რა დაგჭირდებათ მოსამზადებლად?

1 ს/კ კოვზი სწრაფადხსნადი ჟელატინი, 100 მლ წყალი, 4 კვერცხის ცილა, 150 გ შაქარი, 100 გ შავი ან რძიანი შოკოლადი. შეგიძლიათ დაუმატოთ ბეზე და კაკაოს ფხვნილი გემოვნებით.

როგორ მოვამზადოთ?

1. ჟელატინი და 100 მლ ცივი წყალი აურიეთ.

2. ქვაბში ცოტა წყალი აადუღეთ.

3. კვერცხის ცილები და შაქარი თერმოგამძლე თასში აურიეთ. წყლიან ქვაბზე მოათავსეთ ისე, რომ თასის ძირი სითხეს არ ეხებოდეს.

4. კვერცხის ცილები გააცხელეთ, მუდმივად ურიეთ სათქვეფით, შაქრის გახსნამდე. შესაძლებლობის მიხედვით მასა თერმომეტრით შეამოწმეთ: ტემპერატურა 70 გრადუსს უნდა აღწევდეს.

5. თასი ქვაბიდან ამოიღეთ. ცილები მიქსერით ათქვიფეთ მყარი პიკის მიღებამდე.

6. ჟელატინი ქვაბში ან მიკროტალღურ ღუმელში გაადნეთ, ადუღებამდე არ მიიყვანოთ.

7. ცილების ათქვეფა გააგრძელეთ, ჟელატინი ნელ-ნელა ჩაასხით.

8. სუფლე ჭიქებში გადაანაწილეთ. მაცივარში 2 საათი შეინახეთ, რომ გამაგრდეს.

9. შოკოლადი მიკროტალღურ ღუმელში ან წყლის ორთქლზე გაადნეთ. ოდნავ გააგრილეთ და სუფლეს მოასხით. კიდევ 1 საათი გააჩერეთ. გემრიელად მიირთვით!

ასევე დაგაინტერესებთ:

Dolce vita: თაფლის ნამცხვარი შავქლიავით და ნიგვზით

დარიჩინის ფუნთუშა ჭიქაში - სწრაფი დესერტი

დიეტური ვაშლის ნამცხვარი ფქვილის გარეშე - თუნდაც ყოველდღე მიირთვით

აღმოსავლური ტკბილეული მხოლოდ 15 წუთში: გაგრილებაზე დრო არ ჩათვალოთ

5 გემრიელი და სასარგებლო დესერტი გრამი შაქრის გარეშე