ცნობილია სანელებელი, რომელიც წვავს ცხიმს და აძლიერებს ნივთიერებათა ცვლას. დიეტოლოგმა კეტრინ ჯერვასიომ ამ პროდუქტის შესახებ თავისი ექსპერტული დასკვნები გაუზიარა გამოცემას SheFnds.

ყველასთვის ცნობილია, რომ ზოგიერთი პროდუქტი სხვებზე უკეთ გვეხმარება ჭარბ წონასთან ბრძოლაში. „ცხიმისმწველი პროდუქტების სიაში“ ერთ-ერთ პირველ ადგილზეა სანელებლები და სუნელები.

დიეტოლოგი კეტრინ ჯერვასიო თვლის, რომ ამ ამოცანას ყველაზე უკეთ უმკლავდება კაიენის წიწაკა. ითვლება, რომ ყოველდღე კაიენის წიწაკის მოხმარებით ნივთიერებათა ცვლა მთელი 26%-ით ძლიერდება.

რომელი კომპონენტების ხარჯზე ახერხებს კაიენის წიწაკა ცხიმის წვას და იმუნიტეტის მხარდაჭერას?

პირველ რიგში, C ვიტამინის წყალობით. კაიენის წიწაკა მდიდარია C ვიტამინით, რომელიც იმუნურ სისტემას მხარს უჭერს. ის ეხმარება ორგანიზმს სისხლის თეთრი უჯრედების გამომუშავებაში და იცავს მას დაავადებებისგან. 1 ჩაის კოვზი კაიენის წიწაკა დაახლოებით 1 მგ C ვიტამინს შეიცავს.

მეორეც, კაპსაიცინის წყალობით. კაიენის წიწაკაში შემავალ ამ ნივთიერებას აქვს ანთების საწინააღმდეგო თვისებები და იცავს ორგანიზმს ჟანგვითი სტრესისგან. გარდა ამისა, კაპსაიცინს შეუძლია დააჩქაროს ნივთიერებათა ცვლა, ანუ წონის კლება.

კაიენის წიწაკის რაციონში ჩართვის ბევრი მეთოდი არსებობს. დიეტოლოგის თქმით, ცხარე სანელებელი კარგი დანამატია წვნიანისთვის, რაგუსთვის, მაკარონისთვის, გამომცხვარი ბოსტნეულისთვის, ხორცისთვის. გარდა ამისა, სანელებელი შესაფერისია ისეთი სასუსნავისთვის, როგორიცაა პოპკორნი და კაკალი.

ამავდროულად, ექსპერტი გვახსენებს, რომ კაიენის წიწაკა ერთადერთი გასაღები არ არის სწორად გასახდომად და ჯანმრთელობის გასაძლიერებლად. ფიგურის კორექტირებას და იმუნიტეტის გაძლიერებას თან უნდა ახლდეს ჯანსაღი კვება, ფიზიკური აქტივობა და კარგი ჩვევები.

უკუჩვენებები. ცხარე წიწაკა კატეგორიულად უკუნაჩვენებია მათთვის, ვისაც კუჭ-ნაწლავის ტრაქტის დაავადებები აქვს.

ასევე დაგაინტერესებთ:

ვარსკვლავების 9 უცნაური დიეტა, რომელიც საინტერესოდ ჟღერს, მაგრამ მისი გამოცდა მაინც არ ღირს

როგორ მოქმედებს სხვადასხვა დიეტა ჩვენს კბილებზე - სტომატოლოგის აზრი

თქვენი საოცნებო დიეტის 10 ოქროს წესი

ტრანსცხიმებს მოერიდეთ: დიეტოლოგმა ვისცერალური ცხიმის დაწვა მასწავლა

დაიძინე და დაიკელი წონაში! ახალი დიეტა სასწაულებს ახდენს