მე-8 მოწვევის პარლამენტის პირველი სხდომის გახსნაზე, მიხეილ სააკაშვილის სხდომათა დარბაზში შესვლის დროს უმრაველოსბის წარმომადგენლები ფეხზე არ წამოუდგნენ, მხოლოდ ნაციონალური მოძრაობის წარმომადგენლები შეხვდნენ ფეხზე ადგომით. პრეზიდენტმა მიხეილ სააკაშვილმა მე-8 მოწვევის პარლამენტის პირველი სხდომის გახსნაზე სიტყვით გამოსვლისას აღნიშნა, რომ ეს პარლამენტი ახალი საქართველოს სიმბოლოა, რომელიც ლავრენტი ბერიას აშენებული პარლამენტის შენობისგან განსხვავდება. მისი თქმით, ის ათასგვარ უბედურებასთან არის დაკავშირებული. „ახალი უმრავლესობის გასაგონად მინდა ვთქვა, რომ პარლამენტის ქუთაისში გადმოტანა არც მარტივი გადაწყვეტილება იყო და არც დედაქალაქის წინააღმდეგ მიმართული სადამსჯელო ღონისძიება. ეს იმ დიდი გეგმის ნაწილია, რომელიც ხელისუფლების დეცენტრალიზაციას ისახავს მიზნად. მთელი ქვეყნის მასშტაბით ამინსტიტუტების მუშაობაში ჩართვის საშუალება ყველას უნდა მიეცეს, “ - ამბობს სააკაშვილი. გუშინდელი ოპოზიცია, მთავრობაში ხართ და შესაძლოა, დღევანდელი ოპოზიცია ისევ ხელისუფლებაში მოვიდეს. ყველაფერის ეს არის ის, რაც უნდა ვაღიაროთ. ერთმანეთის მტრები კი არა პოლიტიკური მეტოქეები ვართ. აქამდე კონკურენციის დრო იყო, ახლა მუშაობის დროა. ყველაფერი რაც ხდებოდა იყო უხამსი, გესლიანი ყველა მხრიდან, თუმცა, თქვენ ახლა მთელ ერს წარმოადგენთ", - აღნიშნა სააკაშვილმა.პრეზიდენტის განცხადებით პრემიერობის კანდიდატს ბიძინა ივანიშვილს მან პირადად შესთავაზა ევროკავშირსა და ნატოსთან დაკავშირებულ პროცესებში ჩართვა."ევროკავშირი და ნატო, ასევე, საქართველოს ტერიტორიული მთლიანობა უფრო
მაღლა დგას, ვიდრე პოლიტიკური განსხვავებები", - განაცხადა სააკაშვილმა.სააკაშვილის განცხადებით, 2008 წელს ოპოზიციის ბევრმა წევრმა უარი თქვა მანდატზე და პარლამენტში არ შევიდა. "დღეს მე ძალიან კმაყოფილი ვარ, რომ დღეს ყველანი აქ ხართ", - აღნიშნა პრეზიდენტმა.