დღეს თბილისი მართლაც რომ ბედნიერი და გახარებული სახეებით მოძრაობდა, ხალხი აფრიალებდა დროშებს, რომლის იმედიც აქვთ. თითქმის მთელი თბილის ქართული ოცნების ფერებში იყო. ბიძინა ივანიშვილმა უკვე შეასრულა ერთი პირობა. გთავაზობთ ივანიშვილის ასრულებული პირობის სიტყვებს უცვლელად: "მე დღეს ამაყი ვარ რომ ჩემი ერთი წინასაარჩევნი დაპირება უკვე შევასრულე, შეხედეთ ერთმანეთს და ნახავთ, რომ მთელი საქართველო ერთ მუშტად შეიკრა. მე ეს დაპირება შევასრულე და სიტყვას გაძლევთ, რომ ყველა დაპირებას შეგისრულებთ"- განაცხადა ივანიშვილმა.მისი თქმით, ხელისუფლების უამრავი ცდის მიუხედავად, ხალხში ვერ ჩაკლა სამართლიანობის განცდა. მსგავსი არ მომხდარა საქართველოში არსად, დასძინა ივანიშვილმა."27 მაისს ჩვენ ერთად დგომამ, უდიდესი ძალა მოგვცა. ჩვენ ერთად ვართ და გარდაუვალი გამარჯვებისთვის ვემზადებით, " ბიძინა ივანიშვილის თქმით, „ქართული ოცნების“ ხელისუფლებაში მოსვლის შემთხვევაში წინა ხელისუფლების მომხრეების დევნა არ დაიწყება. ივანიშვილმა აქციიდან საჯარო მოსამსახურეებს მიმართა და ერთად დადგომისკენ მოუწოდა. „მივმართავ საჯარო მოსამსახურეებს, ყველას ვისგანაც სააკაშვილის რეჟიმი დანაშაულში თანამონაწილეობას მოითხოვს, დადექით, ერთად დადექით სიმართლის მხარეს, გაემიჯნეთ დანაშაულსა და უკანონობას, თქვენ გიმტკიცებდნენ, რომ თუ "ქართული ოცნება" მოვა, ყველა გაგყრიდნენ სამსახურებიდან, ჩვენ ამას არ დავუშვებთ ჩვენ გავათავისუფლებთ საჯარო სამსახურს პოლიტიკური წნეხისგან“ - განაცხადა ივანიშვილმა.