საქართველო "ჯერ შეშფოთდნენ, მერე ახუნტრუცდნენ და აქეთ მოგვაკითხეს, ემანდ მართლა რუსეთისკენ ან ჩინეთისკენ არ გადაუხვიონო" 11 ივლისი, 17:39 ![]() პრინციპში, ჩვენ რას გვაძლევდნენ, აქეთობას რიცხავდნენ, ნახევარზე მეტი ისევ იქეთობას მიჰქონდათ და რაც აქ რჩებოდა, თავიანთ ლეკვებს კვებავდნენ, რომლებიც ახლა უკვე ქოფაკებად იქცნენ. ჰო, ეს ფაქტია, აქედან 80% სესხად გვეწერებოდა და ისევ ჩვენი გადასახდელია, მაგრამ ისიც ხომ ფაქტია, რომ პროცენტიანი ვალები დღემდე ზურგზე გვაწევს და ახლა სანაცვლოდ რაღაც განსაკუთრებულს ითხოვენ? ითხოვენ კი არა, გვემუქრებიან და ისეთი რამის გაკეთებას გვაიძულებენ, რაზეც ჩვენ არასდროს წავალთ! ● რატომ არ წავალთ? იმიტომ, რომ ეს იქნება სრული სიგიჟე. ჩვენ ეს უკვე ვნახეთ 1993-ში, 2008-ში და ახლაც ვუყურებთ უკრაინაში. ეს არ მოხდება, მაგრამ თუ “ქართული ოცნება'' დამარცხდა, ჩათვალეთ, აქაც იგივე უბედურება დატრიალდება, რა უბედურებაც უკრაინაში ტრიალებს. ვინც დღეს ე.წ. ოპოზიციას უჭერს მხარს, ის უჭერს მხარს ომსა და ამ ქვეყნის დასამარებას! ესეც ფაქტია, ესეც ორჯერ ორი ოთხია! ● აგერ, გუშინ გერმანელებიც მოგვადგნენ - ჩვენაო, წლების განმავლობაში რო გეხმარებოდით, აღარ დაგეხმარებითო. ალბათ იოსება პაპა საფლავში ბრუნავს და თან ვერტიკალურ მდგომარეობაშია! ისე, გამოგიტყდებით, მე რო მაგათ ადგილზე ვიყო, ეგრე რიხით არ დაველაპარაკებოდი არავის და მით უფრო ქართველებს. ალბათ ხვდებით, რასაც ვგულისხმობ. იგივეს ვიტყვი აშშუელებზე. მართალია, მაგათ აქ ატომური ბომბი არ ჩამოუგდიათ, მაგრამ სადაც ჩამოაგდეს, კარგი იყო? კაი, წარსულ ცოდვებს დავანებოთ თავი (რატომ უნდა დავანებოთ, მაგას ვერ ვხვდები, მაგრამ მაინც), დღევანდელზე ვილაპარაკოთ და ცოტა მკაცრად ვიკითხოთ: რა ფეხები უნდათ ჩვენგან? ის უნდათ, რო 30 წლის განმავლობაში აქ 5-6 მილიარდი დაგახარჯეთ და ახლა ჩვენ დაკრულზე უნდა იცეკვოთო. არ იცეკვებთო? მაშინ დაისჯებითო, ჯერ კუთხეში დაგაყენებთო, მერე ცალ ფეხზე დაგაყენებთო, მერე სანქციებს დაგიწესებთო, მერე სახლებში გამოგკეტავთო, თუ არ გამოსწორდებით, დაგამხობთ და სისხლს განთხევინებთო. და ეს ყველაფერი 5 მილიარდად, რომლის ნახევარზე მეტიც “ჩუმადნებით'' ისევ უკან წაიღეს და რაც აქ დატოვეს, ბოზ@ბისა და ჩათლ@@ების გამოკვებას მოახმარეს. ● იცით, ესენი არ ელოდნენ, საქართველოს ხელისუფლება ასეთი კერკეტი კაკალი თუ გამოდგებოდა. მაგათი დავთრების თანახმად, როგორც კი თითს დაუქნევდნენ, ეგრევე გაიხსნებოდა კავკასიაში მეორე ფრონტი და მთავარსარდალი იქნებოდა ჩიტირეკია სააკაშვილი. რა თქმა უნდა, ჩიტირეკია სააკაშვილი დირექტივებს ძირითადად მიიღებდა მეორე ჩიტირეკიასგან - ვოლოდიმირ ზელენსკისგან. დიახ! ცეცხლის ალში უნდა გაეხვიოს მთელი სამხრეთი კავკასია და მერე ჩრდილოეთ კავკასიასაც უნდა მოედოს. ეს არის “უმფროსების'' გეგმა ვაშინგტონში და აქ ჩვენ ვბედავთ, შევეწინააღმდეგოთ. ბოლოს და ბოლოს, როგორ ვბედავთ? არ ვიცი, აი, ვბედავთ იმიტომ, რომ მაშინ საკუთარი ხელით მოგვიწევს სამარეების გათხრა და შიგ ჩაწოლა! ● ერთი რამ ფაქტია! ჩვენ აღარ ვართ ისეთი დაუძლურებულები, ერთაოზ ბრეგვაძესავით რო მოგვადგებიან და სახლს, ანუ ქვეყანას ფიცარ-ფიცარ დაგვიშლიან. ჩვენ უკვე შეგვიძლია ამ სახლის დაცვა და აქ ჩვენივე ინტერესების გატარება. იიიი... ჩვენ რო 5 მილიარდი დაგახარჯეთ 30 წლის განმავლობაში, ეგ როგოაო? ეშმაკმა რო სილა გაგაწნათ, მე რავი, როგოა? ვის დაახარჯეთ, რა დაახარჯეთ, სად დაახარჯეთ, რა ააშენეთ, რა გააკეთეთ, ვის გაუკეთეთ, სად არი, ვის ტრა@ში შეიტანეთ? ამათ ჰგონიათ, თუ ქართულ ჯარს 30 მილიონს აღარ მისცემენ, მოსახლეობა ქუჩაში გამოვა და ხელისუფლებას დაამხობს. აგერ, დღეს გამოაცხადა ირაკლი კობახიძემ, ბიუჯეტი ნახევარი მილიარდით გაიზარდა და აქედან 100 მილიონი ჯარს მოხმარდებაო. 30-ის ნაცვლად თავდაცვის სამინისტრო 100-ს მიიღებს, არ გვინდა, კაცო, მაგათი პროცენტიანი სესხები, ხომ შეიძლება, ყველა ვალი გავისტუმროთ და ვალების გარეშე ვიცხოვროთ? რასაც პროცენტებში ვიხდით, იმას პენსიონერებს დავურიგებთ! ● უკაცრავად, სიტყვა გამიგრძელდა, ახლავე მოვრჩები. დღეს გამოაცხადეს, სახელმწიფო მდივნის მოადგილე უკვე თბილისშიაო. ჯერ შეშფოთდნენ, მერე ახუნტრუცდნენ და ახლა აქეთ მოგვაკითხეს, ემანდ მართლა რუსეთისკენ ან ჩინეთისკენ არ გადაუხვიონო. მოკლედ, რაააა! 30 წელიწადია “გვემეგობრებიან'' და საერთოდ ვერ გაიგეს, ვინ ვართ, რა გვინდა და საით მივდივართ. ეგეთი ყეყეჩი “მეგობრების'' მნახავი არ ვარ ცხოვრებაში.ფაქტია, ამათ ისევ ერთაოზ ბრეგვაძე ვგონივართ და მოგვადგნენ, სახლი უნდა დაგიშალოთ ფიცარ-ფიცარო. ჰმ... თქვენი ყველაყისამ!"-წერს სოციალურ ქსელში ჟურნალისტი გელა ზედელაშვილი. 416 3-ს მოსწონს
|