ისლანდიის თავისებური სილამაზე იზიდავს არა მხოლოდ ტურისტებს, არამედ კინემატოგრაფებს, რომლებიც ჩანჩქერებს და ფიორდებს თავიანთი ფილმების ფონად იყენებენ. ამ ქვეყნის პეიზაჟები გახდა გაფორმება, მაგალითად, კრისტოფერ ნოლანის „ინტერსტელარის“, ასევე ჯორჯ მარტინის რომანებზე დაფუძნებული სერიალის „სამეფო კარის თამაშების“ ზოგიერთი სცენისთვის.

დაათვალიერეთ ისლანდიის ფოტოები, ტურისტების და ადგილობრივი მაცხოვრებლების თვალით.

მთელი ისლანდიის მოსახლეობა 383 ათას ადამიანს შეადგენს. მსოფლიოში ერთ–ერთი ყველაზე უსაფრთხო ქვეყნად ითვლება დანაშაულის უკიდურესად დაბალი მაჩვენებლით და შესანიშნავი სამედიცინო მომსახურებით. ისლანდიელი პოლიციელების ინსტაგრამები ტკბილეულით, კლოუნის ცხვირით და მხიარული სელფებით ხელს უწყობს სახელმწიფოს იმიჯს, რომ აქ ცუდი არაფერი ხდება. ამასთან მოგზაურებს იზიდავს კუნძულის უნიკალური ბუნება.

2010 წელს ეიაფიადლაიეკუდლის ვულკანის ამოფრქვევამ გამოიწვია ტურისტების ნაკადის შემცირება, ხოლო ზარალის კომპენსაციის მიზნით, მთავრობამ მხარი დაუჭირა სარეკლამო პროგრამას, რომელიც მიმართული იყო პოტენციურ მოგზაურებზე. მაგალითად, მაშინ გადაიღეს ვიდეორგოლი Inspired by Iceland, რომლის ასობით ასლი გავრცელდა ინტერნეტში.

ისლანდიას ექსტრემალური კონტრასტების ქვეყანას, ცეცხლის და ყინულის ქვეყანას უწოდებენ. სახელმწიფოს ტერიტორიაზე მდებარეობს როგორც მსოფლიოს ყველაზე აქტიური ვულკანები, ასევე ევროპის ერთ–ერთი უდიდესი მყინვარი. მოგზაურები და ადგილობრივები ორივეს აღბეჭდვას ცდილობენ.

ბუნება

რეიკიავიკი და შემოგარენი

ხალხი

საჭმელი

დეტალები

ასევე დაგაინტერესებთ:

რიჩარდ სილვერი: მსოფლიოს ღირსშესანიშნაობები უჩვეულო ფოკუსში

ლაჟვარდოვანი ჯოდპური – ზღაპრული ქალაქი ინდოეთში

თვალუწვდენელი შონდონგი – ყველაზე დიდი მღვიმე დედამიწაზე

პილატუსბანი – ყველაზე ციცაბო რკინიგზა მსოფლიოში

დედამიწის „მაცივარი“ – წარმოუდგენელი ფაქტები იდუმალი და მკაცრი ანტარქტიდის შესახებ