"საინტერესოა, რატომ არ უჩნდება შეკითხვა „ჩვეულებრივ“ მომიტინგეს მარტივი შეკითხვები აქციის ორგანიზატორ პოლიტიკოსებთან. მაგალითად : რა ჯდება სცენის მონტაჟი რუსთაველზე, და ვინ იხდის ამ ფულს? რატომ ხდება რომ როგორც კი იძაბება სიტუაცია აქციაზე, პოლიტიკოსები ისე სწრაფად ქრებიან როგრორც შარშანდელი თოვლი; რატომ ხდება, რომ ყველა მათი წამოწყება, ისეთი როგორიცა პარლამენტის კარებები ბლოკირება მარცხით მთვრდება? წინასწარ იციან თუ არა რომ პოლიცია კანონდამრღვევებს დააპაატიმრებს, ხოლო არც ერთი ლიდერი დაკავებული არ იქნება? რატომ ხდება, რომ იმ დროს დაკავებული მომიტინგეები წინასწარ დაკავების საკნებში არიან, ორგანიზატორები ან სახლში არიან ან რესტორნებსა და კაფე ბარებში ან სულაც თავიანთ ოფისებში თბილად სხედან? ხომ არ ხდება ა.წ. ჩვეულებრივი მომიტინგეების უბრალოდ „საზარბაზნე ხორცად“ გამოყენება? ბოლოს იციან თუ არა აქციის „ჩვეულებრივმა მომიტინგებმა“ ყოველ ასეთ უაზრო „მიაწექი, დავბლოკოთ, პიკეტირება მოვაწყოთზე“ ოპოზიცონერი პოლიტიკოსები რა თანხებს იდებენ ჯიბეში? არ ფიქრობენ იმის თაობაზე, რომ ხელმოცრული და გადამგდები პოლიტიკოსების ჭკუაზე სიარული ცოტა არ იყოს და მათთვისვე შეურაცმყოფელია? იქნებ დადგა დრო და პოლიტიკოსების მიერ მათ გამოყენებას თვითონვე დაუსვან წერტილი!"-წერს სოციალურ ქსელში ისტორიკოსი და პოლკოვნიკი, ლევან ნიკოლეიშვილი.