წლიდან წლამდე საქართველო იზიდავს მილიონობით ტურისტს მთელი მსოფლიოდან, რადგან აქ შეგიძლიათ ნახოთ დიდებული მთები, თვალწარმტაცი პეიზაჟები და უძველესი ტაძრები. გემრიელი სამზარეულო და ლამაზი ბუნება არ არის ერთადერთი რამ, რაც განასხვავებს საქართველოს სხვა ქვეყნებისგან.

5 მთავარი ქართული ლეგენდა გეტყვით, რატომ ღირს აქ ჩამოსვლა და რა უნდა იცოდეთ მანამდე.

ღვთისგან ბოძებული ოაზისი

ერთ–ერთი მთავარი ქართული ლეგენდა ამბობს, რომ ოდესღაც თავად ღმერთმა აჩუქა ადგილობრივ მოსახლეობას პლანეტის ულამაზესი მიწები.

სამყაროს შექმნის შემდეგ ღმერთმა ერებს დაურიგა ტერიტორიები, რომლებსაც შემდგომში თავიანთი სამშობლო უწოდეს. როცა ყველა კუთხე უკვე დაკავებული იყო, მას მიუახლოვდა დაგვიანებული ქართველები.

გაოცებულმა ღმერთმა იკითხა, რატომ დასჭირდათ ამდენი დრო მასთან მისასვლელად. ქართველებმა უპასუხეს:

„იმდენად აღფრთოვანებული ვართ შექმნილი სამყაროს სიდიადით და სილამაზით, რომ სრულიად დავკარგეთ დროის აღქმა“.

ასეთი აღფრთოვანებით ნასიამოვნებმა ღმერთმა გადაწყვიტა ქართველებისთვის მიეცა ოაზისი, რომელიც მანამდე თავისთვის ჰქონდა გადანახული. ასე ქართველებმა მიიღეს პლანეტის ეს თვალწარმტაცი კუთხე. სანაცვლოდ პირობა დადეს, რომ სტუმრებს თავის მიწაზე ყოველთვის ხელგაშლილი და ღია გულით შეხვდებოდნენ.

ერთი გასროლა – ერთი მიზანი

კიდევ ერთი პოპულარული ლეგენდა საქართველოს დედაქალაქს, თბილისს ეხება. გადმოცემით, ერთხელ მეფე ვახტანგ გორგასალი მცხეთის მიდამოებში ნადირობდა, როცა შორს მშვენიერი ხოხობი დაინახა. იმდენად ისურვა ჩიტის დაჭერა, რომ ერთი ზუსტი გასროლა გააკეთა, რის შემდეგაც მეფის მიმინო ხოხობს დაედევნა.

გარკვეული დრო გავიდა, მაგრამ მიმინო აღარ დაბრუნებულა და მის მოსაძებნად მონადირეები გაგზავნეს. აღმოჩნდა, რომ ორივე ჩიტი ცხელ წყაროში ჩავარდა და მოკვდა. თუმცა მეფისთვის ეს დანაკარგი მოულოდნელ სიხარულში გადაიზარდა: ადგილი, სადაც ხოხობი იმალებოდა, ისეთი ლამაზი აღმოჩნდა, რომ გადაწყვიტა აქ ქალაქის გაშენება და სამომავლოდ დედაქალაქის გადმოტანა.

ქრისტიანობის სამშობლო

საქართველო ულამაზესი ქვეყანაა, რომელიც სავსეა რელიგიური ძეგლებით და წმინდა ადგილებით, ამიტომ გასაკვირი არაა, რომ ქართული ლეგენდა მათ ეძღვნება.

ლეგენდის თანახმად, მრავალი საუკუნის წინ წმინდა ნინო აქ მოვიდა უფლის კვართის საძიებლად. თავად ღვთისმშობელმა მიანდო მას ძველი ქართველების გაქრისტიანება და გადასცა ვაზისგან დაწნული ჯვარი, რომელიც ამ ტერიტორიის უმაღლეს წერტილში უნდა დადგმულიყო.

ამგვარად, მდინარეების არაგვისა და მტვრის ზემოთ მდებარე ბორცვზე დაიბადა ქრისტიანობა. ახლა ამ ადგილზეა ჯვრის მონასტერი, რომელიც საქართველოში იუნესკოს პირველი მსოფლიო მემკვიდრეობის ძეგლია.

ორთავიანი მწვერვალის უშბას საიდუმლო

საქართველოში ბევრი მწვერვალია და ერთ–ერთი ყველაზე დასამახსოვრებელია უშბა, რომელიც ყველაზე საშიშად ითვლება. არსებობს ლეგენდა, რომ ძველად ნადირობის ქალღმერთს დალის შეუყვარდა მშვენიერი ახალგაზრდა, რომელიც სვანეთის მხარეში ცხოვრობდა. ბიჭი მის გრძნობებს არ პასუხობდა. მაშინ მზაკვარმა ქალღმერთმა თავის მიდამოებში მიიტყუა და მშობლიური სახლი დაავიწყა.

ამბავი ასე შეიძლება დასრულებულიყო, ერთ დღესაც ახალგაზრდა მონადირეს რომ არ ჩაეხედა ქვემოთ და მშობლიური სოფლის კოშკები არ დაენახა. ბიჭს ყველაფერი გაახსენდა, გამტაცებელს გაექცა და სახლში, თავის მშვენიერ საცოლესთან დაბრუნდა.

ქალღმერთმა დალიმ მონადირეს ღალატი ვერ აპატია და ერთ დღეს მთის ძირში უზარმაზარი ტურა გაგზავნა. ასეთი ნადავლის დანახვისას მონადირემ მაშინვე მისი დაჭერა სცადა. იქამდე ირბინა, სანამ მთის წვერზე არ აღმოჩნდა. სწორედ მაშინ შენიშნა, რომ მის ქვეშ მიწა უფსკრულში ჩავარდა, რის გამოც უკან დაბრუნება შეუძლებელი გახდა. მონადირემ საყვარელი ადამიანის გარეშე ცხოვრება არ ისურვა, თავით დაეშვა და დაიღუპა. მას შემდეგ უშბას ფერდობები მისი სისხლის ფერით შეიღება, ხოლო მყინვარები ძვლებივით თეთრია.

ქართული ღვინო – ღმერთების სასმელი

ქართული ღვინო მთელ მსოფლიოში ცნობილია და გასაკვირი არაა, რომ მას „ღმერთების სასმელს“ უწოდებენ. თუმცა ამ სახელის წარმოშობის სხვა ვერსიაც არსებობს.

ოდესღაც ღმერთმა შეიწყალა სამოთხიდან განდევნილი ადამიანები და სპეციალურად მათთვის შექმნა სასმელი, რომელსაც სიმშვიდე და ნეტარება მოაქვს. როგორც მიხვდით, ეს ქართული ღვინო აღმოჩნდა.

ამ ლეგენდას აქვს გაგრძელება, რომლის მიხედვითაც ღმერთმა მიღებული ნექტარი შესთავაზა ანგელოზებს და დემონებს დასაგემოვნებლად. ყველა აღფრთოვანებული იყო უფლის შემოქმედებით, მაგრამ ეშმაკს არ სურდა პირველობის დათმობა და ღვინისგან ჭაჭა გააკეთა. სასმლის დაგემოვნება ღმერთს შესთავაზეს. მან დალია, მერე ისევ და ისევ – სულ ოთხჯერ გაივსო ჭიქა. შემდეგ გაჩერდა და თქვა:

„ვინც სამ ჭიქა ამ სასმელს დალევს ჩემთან მოვა სამოთხეში, მეოთხეს შემდეგ კი ბნელ მხარეს წავა“.

ამიტომ ქართულ სუფრაზე მეოთხე ჭიქა ჭაჭას „ეშმაკისას“ უწოდებენ.

ასევე დაგაინტერესებთ:

1. თვალწარმტაცი საქართველო არგენტინელი ფოტოგრაფის ობიექტივში

2. აქ ცხოვრება გამბედაობის ნამდვილი გამოწვევაა – 14 ექსტრემალური სახლი მთელი მსოფლიოდან

3. 20 ულამაზესი ხიდი, რომლებიც თითქოს ზღაპრების წიგნში იპოვეს

4. საოცარი პატარა ქალაქები, რომლებიც არარეალურად გამოიყურება

5. 18 რამ რისი გაკეთებაც სხვა ქვეყანაში მოგზაურობის დროს არ ღირს