რუსეთის მიერ უკრაინაში წამოწყებული ომის შემდეგ(როგორც თავად რუსები უწოდებენ სპეციალური სახედრო ოპერაცია) უამრავმა კომპანიამ ბოიკოტი გამოუცხადა რუსეთს, გამონაკლისი არც ავტომრეწველობა იყო, რუსეთი მიატოვეს შემდეგმა კომპანიებმა: Dodge, Ferrari, Aston Martin, Bugatti, Lamborghini, Infiniti, Rolls-Royce, Jaguar, Land Rover და Ford-ი.იაპონელმა და გერმანელმა ავტომრეწველებმაც გადაწყვიტეს აღარ მიეწოდებინათ რუსეთისთვის ავტომობილები, ავტოსანქციებს შეურთდა საქართველოც, სანქციების მე-11 პაკეტის მიხედვით, ჩენი ქვეყნიდან აიკრძალა ამერიკიდან და ევროპიდან შემოყვანილი მანქანების რეექსპორტი.

ამ ყველაფრის ფონზე რუსული ბაზრის დიდი ნაწილი დაიკავა ჩინურმა ავტომრეწველობამ, ხოლო პარალელურად იზრდება ადგილობრივი ავტოწარმოება.ომის დაწყების შემდეგ ერთნახევარჯერ გაიზარდა მანქანის წარმოება - 2023 წლის ოქტომბერში მსუბუქი ავტომობილების წარმოების მოცულობამ შეადგინა 59, 2 ათასი ერთეული. ამას მოწმობს როსსტატის მონაცემები.

წლიური შედეგებით, ავტომობილების წარმოება 58, 4 პროცენტით გაიზარდა. 2023 წლის დასაწყისიდან რუსი მწარმოებლების კონვეირებიდან 417 ათასი მანქანა გადმოვიდა . ეს ზრდა უზრუნველყო დედაქალაქის ავტოქარხანაში "Moskvich 6" ლიფტბეკების წარმოების დაწყებამ(მთავარ ფოტოზე), ასევე BAIC X7 კროსვორდების წარმოება კალინინგრადის Avtotor ქარხანაში და ვლადივოსტოკში Sollers ST6 პიკაპების წარმოებამ.

შემოდგომის მეორე თვეში სატვირთო მანქანების წარმოება 51 პროცენტით გაიზარდა და 16, 6 ათასი ერთეული შეადგინა. ამასთან, წლის დასაწყისიდან რუსულმა ქარხნებმა გამოუშვეს 134 ათასი სატვირთო მანქანა (პლუს 17, 6 პროცენტი წელიწადში).

სააგენტო Avtostat-ის ანალიტიკოსების პროგნოზით, 2024 წელს რუსეთში ახალი მსუბუქი ავტომობილების გაყიდვები შეიძლება გაიზარდოს 36 პროცენტით და მიაღწიოს 1, 48 მილიონ მანქანას. ამასთან, პესიმისტური სცენარით მოსალოდნელია მსუბუქი ავტომობილების ბაზრის 9 პროცენტით კლება, 900 ათას ერთეულამდე.