ისტორიამ შემოინახა კლეოპატრას ხელმოწერა პაპირუსზე. ზოგიერთი მკვლევარი თვლის, რომ ის ითარგმნება როგორც "გააკეთე ეს!" ეს წერია პაპირუსის დოკუმენტის ბოლოს, რომელიც ფინანსურ უფლებებს ანიჭებს ადგილზე არმყოფ რომაელ სახლის მეპატრონეს. დოკუმენტი ამჟამად ბერლინის ეგვიპტის მუზეუმში ინახება.
კლეოპატრა იყო პტოლემეების დინასტიის ერთადერთი წარმომადგენელი, რომელმაც ისწავლა ეგვიპტურ ენაზე კითხვა, წერა და საუბარი. საერთო ჯამში, მას შეეძლო შვიდ ენაზე საუბარი.
კლეოპატრა ხშირად იყენებდა მზაკვრულ ხრიკებს პოტენციური მოკავშირეების მოსაზიდად. მაგალითად, იგი ჩავიდა მარკუს ანტონიუსთან ოქროს ბარჟით, გადაცმული ქალღმერთ აფროდიტეს სახით. ანტონიუსმა კი თავი დიონისედ წარმოიდიგნა და იმწავსვე მოიხიბლა კლეოპატრათი.
ცნობილი სკულპტურა „მძინარე არიადნა“ დიდი ხანის განმავლობაში შეცდომით კლეოპატრას სკულპტურად იყო მიჩნეული, გველის მსგავსი სამაჯურის გამო, რომელსაც ისტორიკოსების აზრით, დედოფალი ატარებდა.
იულიუს კეისარი და კლეოპატრა რომანტიკულ ურთიერთობაში და პოლიტიკურ ალიანსში იყვნენ. იულიუს კეისარს სჭირდებოდა კლეოპატრას ფული, ხოლო კლეოპატრას სჭირდებოდა კეისრის არმიის დახმარება, რათა პტოლემეოს XIII-ის ძალაუფლება დაეხმო.
მარკუს ანტონიუსის და კლეოპატრას ერთადერთი ქალიშვილის, კლეოპატრა სელენ II-ის საფლავი მდებარეობს ალჟირში. მშობლების თვითმკვლელობის შემდეგ რომში ჩამოიყვანეს, მოგვიანებით დაქორწინდა ბერბერ პრინცზე ჯუბა II-ზე. მისი საფლავი საუკუნეების განმავლობაში იყო გაძარცვული და ოდესღაც საფრანგეთის საზღვაო ფლოტი გამოიყენებდა, როგორც სამიზნეს წვრთნების მიმდინარეობისას.
1881 წელს ნიუ-იორკის ცენტრალურ პარკში ააგეს ეგვიპტური ობელისკი სახელად "კლეოპატრას ნემსი". მის ქვეშ ჩაფლული კაფსულა შეიცავს 1870 წლის აღწერის სიებს, ბიბლიას, ვებსტერის ლექსიკონს, შექსპირის სრულ ნაწარმოებებს, ეგვიპტის გზამკვლევს და დამოუკიდებლობის დეკლარაციის ასლს.
კლეოპატრა ყველა დროის ერთ-ერთი ყველაზე მდიდარი ქალი იყო. მისი პირადი კაპიტალი დღევანდელი ვალუტით დაახლოებით 95, 8 მილიარდი დოლარს შეადგენს.
მიუხედავად იმისა, რომ კლეოპატრა დაიბადა ეგვიპტეში, ის აშკარად არ იყო ეგვიპტური წარმომავლობის. მისი ოჯახის წარმომავლობა უკავშირდება მაკედონელის საბერძნეთს და პტოლემე I სოტერს ( ალექსანდრე მაკედონელის ერთ-ერთი სარდალი.)
კლეოპატრას, როგორც მშვენიერი პროფესიონალი მაცდუნებელის რეპუტაცია მთლიანად ოქტავიანემ შექმნა, რათა აეხსნა მისი უნარი, მიმზიდველი ყოფილიყო რომის საუკეთესო მამაკაცებისთვის. სინამდვილეში, მიუხედავად იმისა, რომ მას ლამაზმანად აღწერდნენ, იგი ყველაზე მეტად ცნობილი იყო თავისი ინტელექტითა და ქარიზმატულობით.
იულიუს კეისრის ერთადერთი ვაჟი, კესარიონი, ეგვიპტის უკანასკნელი ფარაონი იყო. მიუხედავად იმისა, რომ კლეოპატრა ამტკიცებდა, რომ ის იყო კეისრის ვაჟი, კეისარმა იგი ოფიციალურად მაინც არ აღიარა შვილად.
კლეოპატრა ამტკიცებდა, რომ მისი სილამაზე კიტრის დამსახურებაა.
კლეოპატრა თავისთვის სპეციალურ პომადას უკვეთდა, რომელიც შედგებოდა ჭიანჭველებისა და მუქი წითელი კარმინის ხოჭოების დაქუცმაცებული ნარევისგან.
ეგვიპტელები და არა იულიუს კეისარი იყვნენ თანამედროვე კალენდრის შემქმნელები. რომაული კალენდარი მთვარის იყო და შედგებოდა 355 დღისგან. ეგვიპტელებმა იცოდნენ, რომ წელიწადში 365 დღეა, რადგან ნილოსის წყალდიდობა პიკს ყოველწლიურად ერთსა და იმავე დღეს აღწევდა. კეისარმა ეს შეიტყო კლეოპატრასთან ურთიერთობის დროს და შექმნა იულიუსის კალენდარი.
კლეოპატრა ვირის რძის აბაზანებს იღებდა ახალგაზრდული კანის შესანარჩუნებლად. ლეგენდის თანახმად, დედოფლისთვის რძის გამომუშავებას 700 ვირი სჭრირდებოდა.
საკმაოდ პოპულარულია ლეგენდა იმის შესახებ, რომ თითქოს კლეოპატრამ თავი მოიკლა ასპიდის ნაკბენის მეშვეობით, უფრო სავარაუდოა, რომ მან ეს გააკეთა ოპიუმის და ჰემლოკის ნარევის გამოყენებით.
იულიუს კეისრისა და კლეოპატრას ვაჟს კესარიონი ერქვა, რაც ითარგმნება როგორც "პატარა კეისარი".
