ცნობილი დედები, რომელთა საქციელი შვილების მიმართ, ნებისმიერს აღაშფოთებს

საზოგადოება

ცნობილი დედები, რომელთა საქციელი შვილების მიმართ, ნებისმიერს აღაშფოთებს

2022, 16 ივნისი, 10:10

ჩვენთვის ჩვეულია დედობრივი ინსტიქტის ძალა და შვილებისადმი უპირობო სიყვარული. მაგრამ ბევრი ქალი ისტორიაში ისეთი საქციელით შევიდა, რომ ნებისმიერს აღაშფოთებდა.

სისიგამბისი. ძვ.წ. IV საუკუნე

სპარსეთის დედოფალი და აქამენიდების დინასტიის უკანასკნელი მეფის, დარიოს III-ის დედა, სისიგამბისი, მოწმე გახდა ალექსანდრე მაკედონელის მიერ სპარსეთის სამეფოს დაპყრობისა. დარიოსის არმია დამარცხებული იქნა მაკედონელის მიერ, სისიგამბისი კი სპარსეთის მეფის მეუღლესთან და მის შვილებთან ერთად ტყვეობაში აღმოჩნდა.

შარლ ლებრენი. "დარიოსის ოჯახი ალექსანდრეს წინაშე". 1660 წ. ვერსალი.

ალექსანდრე თავისი მოწინააღმდეგის ოჯახს ღირსეულად მოექცა: არანაირ ხარჯებს არ დარიდებია და განკარგულება გასცა, დარიოსის მიცვალებული მეუღლე, სტატირა I (რომელიც ფეხმძიმედ იყო და მშობიარობას გადაჰყვა), ყველა წესის დაცვით დაეკრძალათ, მისი უფროსი ქალიშვილი კი, სტატირა II, ცოლად შეირთო. როცა მაკედონიელებს გამოქცეული დარიოსი მოკლული იქნა თავისი თანამებრძოლების მიერ, ალექსანდრემ სისიგამბის შვილის სხეული გაუგზავნა, ღირსეულად რომ დაესაფლავებინათ.

ფრანჩესკო ფონტებასო. "დარიოსის ოჯახი ალექსანდრეს წინაშე". 1750 წ.

ითვლება, რომ სისიგამბისმა დარიოსი შეიძულა მისი დამარცხებების და გაქცევის შემდეგ, და შვილად აღარ აღიარებდა. მან განაცხადა: "მე მხოლოდ ერთი ვაჟი მყავს და ის სპარსეთის მეფეა", მხედველობაში ალექსანდრე მაკედონელი ჰყავდა. ალექსანდრეს სიკვდილის შემდეგ, ძვ.წ. 323წ. მან თავი შიმშილით მოიკლა.

მერი ენ კოტონი (1832-1873წ.წ.)

მერი ენ რობინსონი (ქალიშვილობის გვარი), პირველად 1852 წელს გათხოვდა, მაღაროელ უილიამ მოუბრეიზე. ამ ქორწინებაში შეეძინათ ხუთი შვილი, მაგრამ ოთხივე მალევე დაიღუპა "კუჭის ციებ-ცხელებისგან". გადარჩა მხოლოდ გოგონა, იზაბელა. 1865 წელს გარდაიცვალა მეუღლეც, ქვრივმა კი დაზღვევის თანხა მიიღო. მერი ენი მეორედ გათხოვდა, მაგრამ მისი მეორე მეუღლეც, ჯორჯ ვარდა, მალევე გარდაიცვალა, რომლისგანაც მემკვიდრეობა დარჩა. მაშინ კოტონი მდიდარ ოჯახში ძიძად მოეწყო. მოულოდნელად იქაც დაიწყო ბავშვების ერთიმეორის მიყოლებით გარდაცვალება. მერი ენი მათ მამას გაჰყვა ცოლად (მესამე ქორწინება), იდუმალი სიკვდილები კი გრძელდებოდა. ქმარმა "რაღაც იეჭვა" და ცოლი სახლიდან გააგდო. მერი ენის მეოთხე მეუღლე გახდა ქვრივი ფრედერიკ კოტონი. მერი ენის გარშემო მუდმივად კვდებოდა ხალხი, მას კი ქონება რჩებოდა. ბოლოს მას ერთი გერი დარჩა, ჩარლზ ედვარდი. როცა ისიც გარდაიცვალა, ქალი დააპატიმრეს. ზოგიერთი მონაცემის მიხედვით, მერი ენ კოტონმა ორი ათეული ადამიანი მოკლა დარიშხანის საშუალებით, მაგრამ გაასამართლეს და სიკვდილი მიუსაჯეს მხოლოდ ჩარლზ კოტონის მკვლელობის გამო.

არიზონა ბარკერი (1873-1935 წწ.)

არიზონა ბარკერმა სახელი გაითქვა როგორც ბარკერ-კარპისების დანაშაულებრივმა დაჯგუფების მეთაურმა, რომელიც აშშ-ში ბოგინებდა. ბანდაში შედიოდნენ მისი შვილები: ჰერმანი, ლოიდი, არტური და ფრედი.

კადრი ფილმიდან "სისხლიანი დედა"

ბანდის დასასრული ასეთია–ჰერმანმა ორმხრივი სროლის დროს თავი მოიკლა, ლოიდი რამდენიმეჯერ მოხვდა ციხეში, თვითონ არიზონა კი ფრედთან ერთად ცეცხლსასროლი იარაღიდან მოკლეს. შვილებიდან უკანასკნელმა-არტურმა, ციხეში დაასრულა სიცოცხლე. ბევრი ისტორიკოსი თვლის, რომ არიზონამ იცოდა შვილების დანაშაულებები და ეხმარებოდა მათ, მაგრამ ზოგიერთი მკვლევარის აზრით, ის დაჯგუფების ლიდერი არ იყო და ეს მითი FBI გაავრცელა.

მაგდა ჰებელსი (1901-1945 წწ.)

ნაცისტური გერმანიის პროპაგანდის მინისტრის, იოზეფ ჰებელსის მეუღლე, ჯერ მისი დამხმარე იყო, შემდეგ კი ცოლად გაჰყვა. ეს მისთვის მეორე ქორწინება იყო. ადოლფ ჰიტლერი, რომელსაც მაგდა დაუახლოვდა, მას სამაგალითო გერმანელ ქალად თვლიდა. ჰებელსებს ექვსი შვილი ჰყავდათ, ხუთი ქალიშვილი და ერთი ვაჟი: ჰელგა, ჰილდეგარდი, ჰელმუტი, ჰოლდინე, ჰედვიგი და ჰეიდრუნი.

მათი სახელების პიირველი ასო ჰიტლერის გვარის პირველ ასოს ემთხვეოდა.

მაგდამ გერმანელი დედის საპატიო ჯვარიც კი მიიღო. 1945 წლის 1 მაისს, ექიმმა ჰელმუტ კუნცმა, ჰებელსების მოთხოვნით, ბავშვებს მორფის ინექცია გაუკეთა, შემდეგ თითოეულს ციანიდის ამპულა მისცა. ბავშვების შემდეგ შხამი მათ მშობლებმა მიიღეს. ოჯახიდან მხოლოდ მაგდას უფროსი ვაჟი (პირველი ქორწინებიდან) დარჩა.