როგორ გამოიყურება დღეს კრისტინა, რომელმაც საშინელი ავადმყოფობა დაამარცხა

სხვა

2022, 23 მაისი, 9:35

კორიაგინა ბავშვობიდან ანორექსიით არის დაავადებული (ანორექსია-უკიდურესი უმადობა. ამ დროს ადამიანი თითქმის შიმშილობს). მისი მინიმალური წონა მოზრდილობის ასაკში სულ რაღაც 17კგ. იყო. ცოტა ხნის წინ, ცნობილი გახდა, რომ კრისტინას მკურნალობაში დადებითი დინამიკა აღინიშნა-მან წონაში მომატება დაიწყო.

"ყველაფერი პერფექციონიზმის გამო დაიწყო"

ანორექსია კრისტინას ცხოვრებაში მე-11 კლასში მოვიდა. პირველად სწორედ მაშინ დაიწყო გოგონამ წონაში კატასტროფულად კლება.

იგი ძალიან ნერვიულობდა ერთიანი სახელმწიფო და მისაღები გამოცდების გამო. სტრესი უნივერსიტეტში ჩარიცხვის შემდეგაც გაგრძელდა. ეს ყველაფერი პერფექციონიზმის გამო მოხდა. კრისტინა ყოველთვის ცდილობდა მხოლოდ ფრიადზე ესწავლა, ბევრ დროს უთმობდა მეცადინეობას და ხშირად ავიწყდებოდა ისეთი ელემენტარული რამ, როგორიც კვებაა. საბოლოო ჯამში ქალიშვილმა წითელი დიპლომი კი მიიღო, მაგრამ რის ფასად. ანორექსია პროგრესირებდა. უნივერსიტეტის დამთავრების შემდეგ, ჯანმრთელობის მდგომარეობის გამო, კრისტინამ ვეღარ შესძლო მუშაობის დაწყება. იგი მხოლოდ 17 კგ. იწონიდა. აქედან გამომდინარე, ჯანმრთელობასთან დაკავშირებით, ბუნებრივია ბევრი პრობლემა შეექმნა. საქმე იქამდე მივიდა, რომ ექიმები გამოკვლევის დროს მის გულს ვერ პოულობდნენ.

2016 წელს, გოგონა, რომელიც იმ მომენტისთვის 24კგ. იწონიდა, ბარნაულის კიდევ ერთ მაცხოვრებელთან ერთად, სატელევიზიო პროგრამა «Пусть говорят» გმირი გახდა. სწორედ იქ უთხრეს მას: "შენ შეიძლება მოკვდე" და მაშინ გაიაზრა სიტუაციის მთელი კატასტროფულობა.

გადაცემიდან ერთი კვირის შემდეგ, კრისტინა დედასთან ერთად, ნიჟნი ნოვგოროდში გაემართა ფსიქოთერაპევტ იან გოლანდთან. ექიმის რჩევების შემდეგ, მან კვების რაციონი დაირეგულირა, ასევე დაკავდა თავისი მენტალური ჯანმრთელობით.

2018 წელს კორიაგინა კვლავ პროგრამაში «Пусть говорят» მიიწვიეს, სადაც სულით მონათესავე ადამიანს შეხვდა. მისი ისტორიით დაინტერესდა მარია კოხნო, რომელმაც იგივე დაავადება გადაიტანა და შესძლო ბრძოლიდან გამარჯვებული გამოსულიყო.

კრისტინა კორიაგინა მარია კოხნოსთან ერთად

როგორ არის დღეს

მთელი ეს წლები კრისტინა დაკავებული იყო როგორც ფიზიკური, ისე ფსიქოლოგიური ჯანმრთელობით და მისმა მცდელობებმა ნაყოფი გამოიღო.

-რეაბილიტაციის გარეშე არაფერი გამოვა. დღესაც, ჯერჯერობით ყველა ორგანო ნორმალურად არ არის აღდგენილი. მე ხომ 2019 წლიდან უვადო ინვალიდობა მაქვს. წონა, რა თქმა უნდა არ მაქვს ისეთი, როგორიც უნდა იყოს, მაგრამ მოიმატა, თანაც მნიშვნელოვნად. არ მიყვარს ციფრების დასახელება, მაგრამ ერთს ვიტყვი-ნამდვილად მოვიმატე. საჭიროა მინიმუმ 45კგ. მაგრამ იქამდე ჯერ ვერ ავედი. საჭიროა კბილების აღდგენაც, და კიდევ ბევრი სხვა რამ...განმივითარდა სანერწყვე ჯირკვლის სიმსივნე და ნოემბერში დაგეგმილია ოპერაცია. თან მიხარია, თან მეშინია. ვცდილობ ცხოვრებით მაქსიმუმამდე დავტკბე-ამბობს კრისტინა ერთ-ერთ ტელეგრამ-არხთან.

როგორც კრისტინა კორიაგინა აღნიშნავს, მას ძალიან დაეხმარა ფსიქოლოგთან ვიზიტი. ახლა პროგრესი სახეზეა. რა თქმა უნდა, მისი ასაკისთვის და სიმაღლისთვის წონა ჯერ კიდევ კრიტიკულად მცირეა, რაბილიტაციის პროცესი შეიძლება წლები გაგრძელდეს. კრისტინამ მუშაობა დაიწყო, მაგრამ ჯერჯერობით სახლიდან. ის არბიტრაჟის მმართველის დამხმარეა ბანკროტის სფეროში. გოგონას იურისპრუდენცია იტაცებს.