საქართველო "ბინძური ტრაილერით რომ იმოგზაურებ და შემოხვალ იმ ქვეყანაში, რომელსაც შენ მართავდი, კარგად მეტყველებს შენს მორალურ სახეზე" - გიორგი ცაგარეიშვილი 2022, 5 აპრილი, 17:03 პარლამენტის ფრაქცია "ქართული ოცნების" თავმჯდომარის მოადგილე გიორგი ცაგარეიშვილი საქართველოს მესამე პრეზიდენტის, მიხეილ სააკაშვილის სასამართლოზე წარმოთქმულ რეპლიკას გამოეხმაურა: "კაპიტულაცია მე მახსოვს 2008 წელს. ეს იყო კაპიტულაცია, ჰალსტუხის მჭამელი, მფორთხავი სარდლის მიერ გამოცხადებული. მიხეილ სააკაშვილი არის გასამართლებული იმიტომ, რომ იგი არღვევდა საქართველოს კონსტიტუციას და კანონებს, ჩაგრავდა ადამიანებს, არბევდა მიტინგებს. ბინძური ტრაილერით რომ იმოგზაურებ და შემოხვალ იმ ქვეყანაში, რომელსაც შენ მართავდი ავად თუ კარგად, ეს ძალიან კარგად მეტყველებს შენს მორალურ სახეზე და იმაზე, თუ რა გინდოდა შენ ამ ქვეყნისგან, შესაბამისად, ეს ადამიანი მიიღებს იმას რაც უნდა მიიღოს, როგორც დამნაშავემ და კრიმინალმა. მას შეუძლია საკუთარი თავი გაასაღოს პუტინის პატიმრად, ან შაჰ-აბასის პატიმრად, თემურ ლენგის ან მურვან ყრუს, " - განაცხადა გიორგი ცაგარეიშვილმა. დღევანდელ სასამართლო პროცესზე მიხეილ სააკაშვილმა განაცხადა, რომ მაშინ, როცა უკრაინა გამარჯვებისთვის ემზადება, საქართველოს ოკუპანტებისთვის ჩაბარებისთვის ამზადებენ. მისივე თქმით, "ქვეყანაში აღმშენებლობის პროცესი მალე დაბრუნდება, თუმცა "აღარ უნდა დავუშვათ, რომ მტერი შემოვიდეს და კაპიტულანტების მეშვეობით დაიკავოს ის, რაც ვერ შეძლო 2008-ში". 438 3-ს მოსწონს |
შენივე კომენტარი წაიკითხე,რას წერ და მერე მე რაზე მედავები. შენისთანა უცოდინარი ხალხი რო ცხოვრობს ამ ქვეყანაში,მიტომ ხოცავენ ერთმანეთს,თან იარაღიც არ გაქვს. გიჟებს არ უნდათ იარაღი,ისედაც მოიფიქრებენ რაიმე სიგიჟეს და მოკლავენ ვინმეს.