საზოგადოება ძაღლმა პატრონი სასიკვდილო დაავადებისგან იხსნა 2022, 13 მარტი, 17:54
დიდ ბრიტანეთში ძაღლმა პატრონის მკერდზე უმიზეზოდ ახტომა დაიწყო და სასიკვდილო ავადმყოფობისგან იხსნა. იტყობინება LancsLive.
კარენამ, 53 წლის ლანკაშირის ქალაქ ბლეკპულის მცხოვრებმა, თქვა, რომ მისმა იორკშირის ტერიერის ჯიშის ძაღლმა, სახელად ბელა ბუმ, უცნაურად ქცევა 2013 წელს დაიწყო. ადრე მას უყვარდა დიასახლისის ფეხებთან ძილი, მაგრამ მოულოდნელად კარენას მკერდზე აცოცება და წკმუტუნი დაიწყო. თუკი გააძევებდნენ, ცოტა ხნის შემდეგ ისევ ცდილობდა მკერდზე აძვრომას.
პატრონმა იფიქრა, რომ ძაღლი ავად გახდა, რადგან მისი ქცევა ძალიან შეიცვალა.„ბელამ მუდმივად მკერდზე ხტუნვა დამიწყო, ერთ დღესაც ტკივილი ვიგრძენი და ნატკენი ადგილი დავათვალიერე“, - იხსენებს ქალი. მან იმ ადგილზე სადაც ძაღლი ახტებოდა და მუწუკი იპოვა. კარენა მაშინვე მივიდა ექიმებთან, რომლებმაც დაადგინეს, რომ მას მკერდის კიბო ჰქონდა.
როგორც გაირკვა, მეტასტაზები უკვე გავრცელდა ლიმფურ კვანძებში. მიუხედავად ამისა, დაავადება საკმაოდ ადრეულ სტადიაზე გამოვლინდა და რამდენიმეწლიანი თერაპიის შემდეგ სრულიად განიკურნა. "როგორც კი სიმსივნე გაქრა, ძაღლმა მაშინვე შეწყვიტა უცნაურად ქცევა და ისევ ჩემს ფეხებთან დაიწყო ძილი", - თქვა ქალმა. კარენა ძალიან მადლიერია თავისი ძაღლის და თვლის, რომ ეს გარდაცვლილმა დედამ შთააგონა ბელა ბუს, რადგან შინაურმა ცხოველმა სწორედ დედის დაბადების დღეზე დაიწყო უცნაური ქცევა. მანამდე გავრცელდა ინფორმაცია, რომ კიდევ ერთმა ქალმა დიდი ბრიტანეთიდან ძაღლის წყალობით აღმოაჩინა, რომ მას კიბო ჰქონდა. ჩიჰუაჰუას ძაღლი პატრონს მუცელზე დაახტა, რის შემდეგაც მან ექიმთან მისვლა გადაწყვიტა. 233 შეფასება არ არის
|
  |
Intermedia.ge © 2011-2024 წელი
საავტორო უფლებები დაცულია
 |
