თალიბანი ყურადღებით ადევნებს თვალს რუსეთ-უკრაინის სამხედრო კონფლიქტს და მხარეებს დიალოგისკენ მოუწოდებს. გავრცელებული ინფორმაციით, ამის შესახებ ავღანეთის საგარეო საქმეთა სამინისტროს განცხადებაშია ნათქვამი.

მოხსენებაში ნათქვამია, რომ თალიბანი ყურადღებით აკვირდება უკრაინაში არსებულ ვითარებას და შეშფოთებულია მშვიდობიანი მოსახლეობის შესაძლო მსხვერპლით. ავღანეთის ხელისუფლებამ მეომარ მხარეებს მოუწოდა კონფლიქტი დიალოგისა და მშვიდობიანი გზით გადაწყვიტონ.