ჩინეთმა კორონავირუსის პანდემიისთვის სხვა ქვეყნებს უნდა გადაუხადოს რეპერაცია მინიმუმ ათი ტრილიონი დოლარი, განაცხადა აშშ-ს ყოფილმა პრეზიდენტმა დონალდ ტრამპმა ჩრდილოეთ კაროლინას რესპუბლიკელების კონგრესზე.

"დადგა დრო, რომ ამერიკამ და მთელმა მსოფლიომ მოითხოვონ ანაზღაურება და პასუხისმგებლობა ჩინეთის კომუნისტური პარტიისგან. ჩვენ ერთხმად უნდა განვაცხადოთ, რომ ჩინეთმა უნდა გადაიხადოს." - თქვა მან.

ექსპრეზიდენტმა ასევე მოუწოდა დაუყოვნებლად დაწესდეს ასი პროცენტიანი გადასახადი ყველა ჩინურ საქონელზე.

ტრამპი ჩინეთს კორონავირუსის გავრცელებაში ადანაშაულებს, ოფიციალური პეკინი ამას უარყოფს და ირწმუნება, რომ მან სხვა ქვეყნებზე უკეთ გაართვა თავი ეპიდემიას.