.

.

ბალანგოდელი ადამიანი / ბალანგოდელი კაცი / ჰომო საპიენს ბალანგოდენზისი (homo sapiens balangodensis / Balangoda man) იყო ადამიანის სახეობა, რომელიც განსახლებული იყო შრი-ლანკაზე. ამ ადამიანებმა წარმოქმნეს ე.წ. "ბალანგოდას კულტურა". ამ ადამიანთა უადრესი განსახლების მტკიცებულება დათარიღებულია ძვ.წ. 36, 000 წლიდან, ხოლო ამ მოდგმის წარმომადგენელი ადამიანის უძველესი ჩონჩხის ნარჩენები თარიღდება ძვ.წ. 28, 000 წლით. აღმოჩენა გაკეთებული იყო შრი-ლანკაზე მდებარე კალუტარას რაიონში, ფა ჰიენის მღვიმეში. ამ ხალხს სქელი თავის ქალას ძვლები ჰქონდა, დაშვებული ცხვირი, ძლიერი ყბები, გამოხატულად დიდი კბილები, გამოკვეთილი წარბზედა რკალი და მოკლე კისერი. მათი გენეტიკა ნაწილობრივ გრძელდება დღემდე არსებულ შრი-ლანკელ ადგილობრივ ხალხში - ვედებში, რომლებსაც ასევე ეწოდება ვანიალეტო და რომლებიც შრი-ლანკაზე დასახლებულ უძველეს მოსახლეობად მიიჩნევა.

.

.

.

.

მათი მიტოქონდრიული გენეტიკის კვლევამ დაადასტურა, რომ სამხრეთ ინდოელ თამილებზე მეტად, ენათესავებიან შრი-ლანკელ თამილებს და სინჰალესელ აბორიგენებს. ბალანგოდელი ადამიანების სიმაღლე იყო კაცებში საშუალოდ 174 სმ, ხოლო ქალებში 166 სანტიმეტრი. შედარებით მაღლები იყვნენ, ვიდრე დღევანდელი შრი-ლანკელები. მათ ჰქონდათ მრავალგვარი ქვის და ძვლის იარაღი სანადიროდ და ნივთების დასამუშავებლად, როგორიცაა ტყავი, ხორცი და ა.შ. მათი საკვები რაციონი უმეტესად შედგებოდა თევზეულისგან და მოლუსკებისგან, ნადირობდნენ სამბარზე - აზიაში მობინადრე დიდი ზომის ირემზე, ჩვეულებრივ ირემზე, გარეულ საქონელზე, მიირთმევდნენ ასევე პურის ხის ნაყოფს, კანარიუმის თხილს, ველურ ბანანს და სხვა ადგილობრივად არსებულ საკვებს.

.

.

.

.

კრებულები:

ავტორი: თორნიკე ფხალაძე