ისტორია მომენტი,როდესაც ჰიტლერმა იგრძნო, რომ ომს წააგებდა - ესპანეთში აღმოჩენილი 1942 წლის დეპეშა 2021, 6 დეკემბერი, 17:16 
ესპანეთში აღმოაჩინეს ადოლფ ჰიტლერის დეპეშა, სადაც მას, როგორც ჩანს, პირველად უჩნდება ეჭვები მეორე მსოფლიო ომში გამარჯვების შესახებ.
დაბეჭდილი წერილი გაგზავნილია 1942 წლის 2 იანვარს, რამდენიმე დღით ადრე, სანამ ნაცისტები მოსკოვის მისადგომებთან საბჭოთა კავშირთან ბრძოლაში დამარცხდებოდნენ, -ომის მნიშვნელოვან და გარდამტეხ მომენტში. ჰიტლერმა საახალწლო მილოცვა გაუგზავნა ესპანელ გენერალსა და პოლიტიკოს მუნიოს გრანდესს, რომელიც მეთაურობდა მოხალისეთა ცისფერ დივიზიას ესპანეთში და რომელიც იბრძოდა ვერმახტისთვის. 
ჰიტლერმა ხაზი გაუსვა ფრაზას, რომელიც ხელნაწერით, კერძოდ ფანქრით არის ჩამატებული: „trotz allem“, რაც ნიშნავს „ ყველაფრის მიუხედავად“, ექსპერტების მიერ აღწერილია, როგორც ჰიტლერის ეჭვი, იმის შესახებ, რომ შესაძლოა გერმანიის ბედი საბედისწეროდ შეტრიალდეს.
საინტერესო დოკუმენტები, მათ შორის ჰიტლერის დეპეშა ანოტირებული ფრაზით, ესპანეთში, მალაგაში, საერთაშორისო ავტოგრაფის აუქციონზე გასაყიდად არის გატანილი.
ბოლო წერილი გაგზავნილია 1942 წლის 2 იანვარს, სულ რაღაც ხუთი დღით ადრე, სანამ მისი არმია მოსკოვიდან უკან დაიხევდა გერმანელების მიერ რუსეთის დედაქალაქის აღების ორთვიანი მცდელობის შემდეგ. მოსკოვთან ბრძოლა იყო გადამწყვეტი მომენტი, როდესაც საბჭოთა ჯარებმა შეძლეს გერმანიის აქამდე უძლეველი არმიის შეკავება. წერილის დაწერის დროს ჰიტლერი მოსალოდნელ დამარცხებაზე ფიქრობდა. 
მუნიოსი, რომელიც მოგვიანებით გენერალ ფრანკოს დროს ვიცე-პრემიერი იყო, თავის ჰიტლერისადმი გაგზავნილ წერილში წერდა: „იმ ფიქრებთან ერთად, რომლებიც ჩემს ქვეყანისკენ მიდის, ვუსურვებ გერმანიას სრულ გამარჯვებას ჩვენს მტრებზე იმ წელს, რომელიც ახლახან დაიწყო. „ამჟამინდელი სირთულეები მხოლოდ მიმტკიცებს რწმენას, რომ საბოლოოდ გავიმარჯვებთ და ჩემი ერთადერთი სურვილია, რომ ჩვენს ორ ქვეყანას შორის ურთიერთობები კიდევ უფრო ღრმა და მჭიდრო გახდეს, თუნდაც მძიმე მსხვერპლის ფასად. " 
მეორე წერილში, რომელიც 7 იანვრით არის დათარიღებული მუნიოს გრანდესი წერს: „ვთხოვ თქვენს აღმატებულებას, დარწმუნებული იყოთ, რომ მსხვერპლი არ არის ძალიან დიდი იმისთვის, რომ საბოლოოდ მოვიგოთ ომი ჩვენი ერთობლივი იარაღით. " 
„ჩვენ ვიცით, რისთვისაც ვიბრძვით გრაფენვერის ხელშეკრულების დადების შემდეგ და ჩვენ უყოყმანოდ ვასრულებთ თქვენი აღმატებულების ბრძანებებს მორჩილი სათანადო მადლით და მოწიწებით"
ასევე დაგაინტერესებთ     1170 3-ს მოსწონს
|
  |
Intermedia.ge © 2011-2024 წელი
საავტორო უფლებები დაცულია
 |
