დანი, ან ნდანი, როგორც ზოგჯერ იხსენიებენ მას, ერთ-ერთი ველური ტომია, რომელიც ცხოვრობს ახალი გვინეის დასავლეთ მთიანეთში. ის ყველაზე ცნობილი ეთნიკური ჯგუფია პაპუასთა შორის. დანის მცირე ჯგუფი, რომელიც ცხოვრობდა პუნკაკ ტრიკორას მთების სამხრეთ კალთებზე, 1909 წლის 29 ოქტომბერს აღმოაჩინა ექსპედიციამ ჰენდრიკუს ალბერტუს ლორენცის მეთაურობით. 2009 წელს, ინდონეზიაში მკვლევრებმა გადაუღეს ფოტოები დანის ტომის წევრებს, მათ ყოველდღიურ საქმიანობას. ფოტო კამერების წინაშე ისინი მონდომებით პოზირებდნენ. ამასთანავე, დამხვდურებმა სტუმრებს უჩვენეს ყველაზე ძველი მუმია, რომელიც ინახება ტომში. როგორც დანის ტომის წევრები განმარტავენ, ესაა მეომარ ვიმინტოკ მაბელის მუმია, რომელიც 368 წელს ითვლის.