არანხუესის ციხე მდებარეობს ესპანეთში. ესპანელები ირწმუნებიან, რომ ეს ერთადერთი ციხეა, რომელიც განკუთვნილია ოჯახისათვის. იდეა გულისხმობს, რომ ბავშვებს ჰქონდეთ თავიანთ მშობლებთან მშვიდი, ლაღი კომუნიკაციის შესაძლებლობა მათი პატიმრობაში ყოფნის პირობებშიც კი. ამით მშობლებსაც ეძლევათ საშუალება, შეიძინონ მშობლისათვის საჭირო უნარები. დისნეის პერსონაჟები, სათამაშო მოედანი და საბავშვო ოთახი ახალშობილებისათვის მოზარდს აძლევს იმის ფუფუნებას, რომ მშობელთან ჰქონდეთ ურთიერთობა ისე, რომ ციხეში, ანუ მკაცრ გარემოში ყოფნის განცდამ არ შეაწუხოს. არანხუესის ციხეში 36 საკანი, ოთახი არსებობს სპეციალურად ოჯახური, იდილიური შეხვედრებისათვის. რომ არ იცოდეთ, რომ ეს ციხის ოთახია, ალბათ, აზრადაც არ გაივლებდით, რომ ფოტოზე ასახული ოჯახი საპყრობილის კედლებში იმყოფება და არა საბავშვო ბაღში, ან გასართობ ცენტრში.