ალოეს წყლის მიღება ჰიდრატაციის შენარჩუნების საუკეთესო საშუალებაა, რაც ჯანმრთელობის გასაძლიერებლად არსებითად მნიშვნელოვანია.

რა არის ალოეს წყალი?

ალოეს წყალი მკვებავი ნივთიერებებით გაჯერებული სასმელია, რომელიც ალოე ვერას მცენარისგან მიიღება და როგორც მეცნიერული, ისე ზოგადი სახელწოდებაც არის. მცენარეს წვნიანი ფოთლები აქვს, რომლსაც ჟელატინისებური და ბოჭკოვანი რბილობი აქვს. ის შეიძლება მსოფლიოს ბევრ კუთხეში აღმოვაჩინოთ, მათ შორის ჩრდილო აფრიკასა და შუა აღმოსავლეთში.

ალოე ვერას წყალი მზადდება ფოთლის დამუშავებით, ჰომოგენიზაციით, შემდეგ კი წყალთან შერევით, რათა ის სასიამოვნო იყოს მისაღებად.

ბევრი ადამიანი ალოეს გელს ან წვენს დილის სმუზებს უმატებს ჯანმრთელობის გასაძლიერებლად.

ალოეს წყლის სასარგებლო თვისებები

ალოე ვერა ხელს უწყობს მზის დამწვრობის შემსუბუქებას, ამასთან, გააჩნია უამრავი სასარგებლო თვისება, როგორც შინაგანი, ისე გარეგანი მოხმარებისთვის.

• შეიცავს ვიტამინებს B, C, და E, ესევე როგორც ფოლიუმის მჟავას
• ხელს უწყობს წონაში კლებას
• ცნობილია ანთების საწინააღმდეგო თვისებებით
• ხელს უწყობს საჭმლის მონელებას და არეგულირებს დეფეკაციას
• ებრძვის მჟავის რეფლუქსს
• ორგანიზმს იცავს წყლულის განვითარებისგან
• აუმჯობესებს კანისა და თმის სტრუქტურას
• აქვს სიბერის საწინააღმდეგო თვისებები – ამცირებს ნაოჭებს და ხელს უშლის ქრონიკული დაავადებების განვითარებას.

როგორ დავლიოთ ალოეს წყალი?

• შეგიძლიათ მიიღოთ ხილის წვენის, სპორტული სასმელების ან ონკანის წყლის ნაცვლად.
• შეეცადეთ გაყინოთ კუბიკებად და დააბლენდეროთ ნიახურთან, კიტრთან, ჯანჯაფილთან, ყურძენთან გამაგრილებელი და დაბალკალორიული მწვანე სმუზის მისაღებად.
• ასევე შეგიძლიათ დაამზადოთ ზაფხულის უნიკალური კოქტეილი ალოეს წყლის, ჯინის, ლიქიორი ”შატროზის” შერევით ლაიმითა და პიტნით.

გაფრთხილება:

უპირველეს ყოვლისა, ალოე ვერას წყლის ყიდვისას, ყურადღება უნდა მიაქციოთ შაქარი თუ არის დამატებული. ალოეს არომატით გაჯერებული წყალი შეიძლება შეიცავდეს რაფინირებულ შაქარს ან ბუნებრივ ფრუქტოზას, რამაც შესაძლოა გაანეიტრალოს ის უამრავი სასარგებლო თვისება, რაზეც ზემოთ ვისაუბრეთ. კანგაუცლელი ალოეს წვენი შესაძლოა შეიცავდეს ქიმიურ ნივთიერებებს, რამაც შესაძლოა გამოიწვიოს კრუნჩხვები და დიარეა. ყოველთვის შეიძინეთ უფერო წყალი.

ალოე ასევე ცნობილია განსაზღვრულ მედიკამენტებთან თავისი ნეგატიური ურთიერთქმედებით. ამიტომ ჰკითხეთ ოჯახის ექიმს, რამდენად სწორი იქნება მისი შეტანა კვების რაციონში, თუ რაიმე სახის პრეპარატს იღებთ.

შენიშვვნა: ალოე ვერას გელი მზის დამწვრობისთვის შესაძლოა შეიცავდეს ბევრ ბუნებრივ ან ქიმიურ დანამატს. შესაბამისად, მისი საკვებად მოხმარება არ შეიძლება.

ალოეს წყალი შეგიძლიათ ძალიან მარტივად სახლის პირობებში მოამზადოთ და სხვადასხვა დანიშნულებით გამოიყენოთ.