ლოტოსის ყვავილი გამოირჩევა არა მხოლოდ სილამაზით, არამედ სიმბოლური დატვირთვითაც. კერძოდ, აღმოსავლეთში ლოტოსის ყვავილი მიიჩნეოდა სულიერი სრულყოფილების სიმბოლოდ. აღმოსავლეთში ლოტოსის ყვავილი წმინდაა. იგი განასახიერებს სიწმინდეს, სრულყოფილებას. დახვეწილობას, მზისკენ (უზენაესი ძალისკენ), სულიერი სისუფთავისაკენ სწრაფვას.

როგორც უკვე აღვნიშნეთ, ლოტოსი განიხილება სულიერი სრულყოფილების სიმბოლოდ, რომლის თანახმადაც, არა აქვს მნიშვნელობა, რა პირობებში (კარგ თუ ცუდ) იმყოფება ადამიანი, მან ნებისმიერ ვარიანტში უნდა შეინარჩუნოს სულიერი სიწმინდე.