ალბათ ეს, ორცხობილებს შორის, ყველაზე ნოტიო, რბილი და მეგა გემრიელი ორცხობილაა და თან, სასარგებლოც, რადგან მისი ძირითადი ინგრედიენტი, ფქვილის ნაცვლად, შვრიის ფანტელია.

ინგრედიენტები:

ბანანის პიურე — 1 ჭიქა
შვრიის ფანტელი (პატარა ზომის, ჩვეულებრივიც შეიძლება) — 3 ჭიქა
დარბილებული კარაქი — 3/4 ჭიქა
შაქარი — 1 ჭიქა
კვერცხი — 1 ცალი
ვანილინი — 1 შეკვრა
ფქვილი — 1 1/2 ჭიქა
დარიჩინი (სურვილის შემთხვევაში) — 1 1/2 ჩ. კ.
სოდა — 1 ჩ. კ.
სიმინდის სახამებელი — 2 ჩ. კ.

მომზადება:

I. ერთმანეთს შეურიეთ კარაქი, შაქარი, კვერცხი, ვანილინი და ბანანის პიურე.
II. დაუმატეთ ფქვილი, სოდა, დარიჩინი და სახამებელი.
III. დაუმატეთ შვრიის ფანტელი (სწრაფი მომზადების, 3 და 5 წუთიანი, ფანტელი არ გამოიყენოთ).
IV. საცხობ ფირფიტაზე დაფინეთ პერგამენტი და წაუსვით კარაქი.
V. ცომი სადილის კოვზით პერგამენტზე გაანაწილეთ. პროცესის გასამარტივებლად, კოვზი დაასველეთ და ცომის ფირფიტაზე გადატანისას, სველი ხელი მიაშველეთ. ბოლოს კი, ორცხობილები ზემოდან ოდნავ დააბრტყელეთ.
VI. გამოაცხვეთ 180 გრადუსზე, წინასწარ გახურებულ ღუმელში.
VII. ღუმელიდან გამოღების შემდეგ, 3-4 წუთი ფირფიტაზე გააგრილეთ. ხოლო, შემდეგ, გასაციებლად, ცხაურზე გადაიტანეთ.

არხის სხვა სიახლეები:

1. იაპონური ხრიკი, რომელიც საფუარიან ღვეზელს მალე დაძველებისგან იცავს

2. ვაშლიანი წნულები – უგემრიელესი ღვეზელი და წნულის გაკეთების უმარტივესი ხერხი
3. ხაჭოს რბილი და ჰაეროვანი ორცხობილა

4. ყველაზე გემრიელი ნამცხვრები მოხარშული კრემით

5. საბჭოთა კოტლეტის საიდუმლო ინგრედიენტი და მომზადების წესი

6. ყავის დღიური ნორმა, დღეგრძელობისთვის