საქართველოს ყოფილი პრემიერ-მინისტრი გიორგი გახარია 31 მარტს ზუგდიდში ჩასვლას გეგმავს, რათა საქართველოს პირველი პრეზიდენტის ზვიად გამსახურდიას ძეგლი ყვავილებით შეამკოს. ეს ინფორმაცია სხვადასხვა საიტებსა და სოციალურ ქსელებში ვრცელდება.

გახსოვთ, ალბათ, 22 მარტს, საქართველოს ყოფილმა პრემიერმა რომ განაცხადა: „რაც შეეხება მომავალს, სხვადასხვა ჭორი დადიოდა, მაგრამ არსად წასვლას არ ვაპირებ, უფრო მეტიც, არც პოლიტიკიდან არ წავალ. რეალურად გეგმებს მივყვებით, ჩვენს დღის წესრიგს, რაც მოგვცემს საშუალებას, რომ უახლოეს პერიოდში ყველაფერი დეტალურად გაგიზიაროთ და მოგიყვეთ. ეს არის რისი თქმაც მინდოდა და მალე შევხვდებით.“

მისი ზუგდიდში ჩასვლა, სავარაუდოდ, სამომავლო პოლიტიკურ გეგმებს უკავშირდება.

ყოფილი პრემიერი სამეგრელოში ხალხის განწყობებს შისწავლის. როგორც ზუგდიდელები აცხადებენ, ძმები ფარულავები გახარიას ნავში გადაჯდომად მზად არიან და ხელსაყრელ მომენტს ელოდებიან.

სამეგრელოში გახარიას მიმართ დამოკიდებულება ერთმნიშვნელოვანი არ არის. განსაკუთრებით ნეგატიური ფსმოკიფრბულრბა გამოიწვია ინფორმაციამ გია ყარყარაშვილის გახარიასთან ყოფნის შესახებ.

ასევე, არა მხოლოდ სამეგრელოში, საკმაოდ ნეგატიური განწყობაა ნათია მეზვრიშვილის მიმართ.



ქალბატონი ნათია მედიკო მეზვრიშვილის ძმისშვილია და გახარიას მარჯვენა ხელი.

ცუდი დამოკიდებულებაა გახარიას პროტეჟეების - ირაკლი ჩიქოვანისა და ყოფილი გუბერნატორის, ალექსანდრე მოწერელიას მიმართაც. ყველამ კარგად იცის, რა ტერორით ჩატარდა სამეგრელოში 31 ოქტომბერს არჩევნები და ყველაფერ ამის უკან სწორედ გახარია იდგა.