ეშლი ლოურენსისათვის თავისი სამუშაო, რომელიც ბევრისათვის შეიძლება, კოშმარი იყოს, ახდენილი ოცნებაა. 25 წლის გოგონას ჯერ კიდევ სკოლაში სწავლის დროს შეუყვარდა ნიანგი.

"ვფიქრობ, ამ საქმიანობით იმიტომ ვარ დაკავებული, რომ უფლისაგან მომენიჭა ნიჭი. მე შემიძლია ცხოველების ქცევების წაკითხვა. არ ვიცი, ეს უნარი ბუნებისაგან მომეცა, თუ თვითონ ვისწავლე, მაგრამ ერთი რამ დანამდვილებით ვიცი - ეს ძალიან სასარგებლო უნარია", - აცხადებდა იგი ინტერვიუში, რომელიც "მაიამი ტაიმს ნიუ"-მ ჩამოართვა. გოგონას თქმით, ვერც კი წარმოუდგენია, სხვა საქმით დაკავდეს.

"როდესაც საუბარი ეხება ცხოველებს, რომელთა სიცოცხლე საფრთხეშია და სჭირდება დახმარება, მე თითქოს ვივსები ენერგიით. ეს იმიტომ, რომ მე ამ საქმისათვის ვარ დაბადებული", - ამბობს ეშლი.

ეშლი რეგულარულად ეხმარება ზრდასრულ ალიგატორებს (ნიანგებს). ზოგი მათგანი 3.5 მეტრამდეც კი არის.

არხზე "ცხოველების პლანეტა" გავიდა გადაცემა, თუ როგორ ეხმარებიან ეშლი და მისი ჯგუფი ნიანგს. ეშლი ეხმარება მამრ ალიგატორებს და არიდებს მათ დასახლებულ ადგილებს, სადაც ისინი შეიძლება, მოკლან მონადირეებმა ხორცისა და ტყავის გამო. ამერიკული ალიგატორები ცხოვროვენ სამხრეთ-აღმოსავლეთით, შეერთებულ შტატებში. ჩვეულებრივ ისინი ბინადროვენ მტკნარი წყლის ჭაობებში, თუმცა მდინარეებსა და ტბებშიც შეუძლიათ, ცხოვრება.