70 წლის პენსიონერმა ქალბატონმა ჩინეთის ქალაქ ჩენდუდან (სიჩუანის პროვინცია) 2015 წელს ინტერნეტ-მომხმარებლები გააკვირვა თავისი ფოტოებით. სურათებზე ასახულია, თუ როგორ ასრულებს ხანდაზმული ქალბატონი ბოძზე აკრობატულ ტრიუკებს. როგორც მაშინ დაი დალიმ განაცხადა, ის სპორტით დაკავდა 4 წლის წინ, ანუ 2011 წელს, თუმცა მალევე მოახერხა, მიეღწია წარმოუდგენელი წარმატების მიღწევა.

2014 წელს ჩინელმა ქალბატონმა პირველი ადგილი დაიკავა ბოძზე ცეკვის მეხუთე ეროვნულ ჩემპიონატში.

უკვე რამდენიმე წელია, რაც დაი დალის საძინებელში დგას აკრობატული ბოძი და პენსიონერი მასზე ყოველდღე ვარჯიშობს. იგი ბოძზე ცეკვას საერთოდ არ მიიჩნევს ვულგარულად.

"ეს მხოლოდ ლამაზი სპორტული ცეკვაა. ნათესავები და მეგობრები აბსოლუტურად გაგებით ეკიდებიან ჩემს გატაცება", - აცხადებს ქალი.

ქალის თქმით, იმის მერე, რაც აკრობატული ტრიუკებით დაკავდა, მისი ჯანმრთელობა საგრძნობლად გაუმჯობესდა.