73 წლის პოლონელმა პენსიონერმა ქალბატონმა თავის ბინაში 2-მეტრიანი ანაკონდა აღმოაჩინა. როგორც 2010 წელს მედიაში ინფორმაცია გავრცელდა, ქალაქ ვროცლავის ხანშიშესულ მკვიდრს საპირფარეშოში მოულოდნელი "საჩუქარი" დახვდა, უნიტაზიდან არც მეტი, არც ნაკლები, 2-მეტრიანი ქვეწარმავალი უმზერდა. როგორც კი ქალმა უზარმაზარი გველი შენიშნა, მაშინათვე დააფარა უნიტაზს თავსახური, გამოიქცა სააბაზანოდან და პოლიცია გამოიძახა. სამართალდამცავებთან ერთად, ადგილობრივი ზოოპარკის თანამშრომლებიც მოვიდნენ და 2-მეტრიანი ანაკონდა დაიჭირეს.

უნდა ვიფიქროთ, რომ უნიტაზში ანაკონდა საკანალიზაციო მილებიდან მოხვდა. ქვეწარმავალი გადაიყვანეს ვროცლავის ზოოპარკში, პოლიცია კი ანაკონდას პატრონის ძებნას შეუდგა.