ნახეთ, რა საყვარელი ვიქტორიანელი ბავშვები არიან Pierre Oliver Joseph Coomans-ის ტილოზე!

ლამაზები, დიდებულები, სუფთები, ფითქინა ტანსაცმლით. მშვენიერი ბავშვები, უბრალოდ, რა მოხდა მერე? თოჯინა მოწყინდათ და ახლა სხვა სათამაშო - ჩაქუჩი აიღეს.
ზოგჯერ ამ ბავშვებივით საყვარელი ადამიანებიც ხომ თოჯინასავით გამოგიყენებენ, ითამაშებენ, ითამაშებენ, მერე კი ჩაქუჩით დაგიმსხვრევენ გულს, ისე, უბრალოდ, გასართობად.

თუ კარგად გამოიკვლევთ, მიხვდებით, რომ არ ხართ პირველი თოჯინა. ეს ჩვეული წყნარი გასწორება - ურთიერთობის მეორე ნაწილია.
რა ქნან? თოჯინა მოიხმარეს, ამოწურეს, მოწყინდათ და...
უაზრობაა, პასუხი მოთხოვო, რატომ მოგექცნენ ასე.
განა ბოროტები არიან?
ამას ბოროტებით სულ არ აკეთებენ.
უბრალოდ, მალე სწყინდებათ ... ყველაფერი... ყველა...

საყვარელი, დიდებული, სიმპატიური გოგონები ან ბიჭუნები... ჩაქუჩებით