სიახლეები სისხლის ჯგუფი პირდაპირ კავშირშია სხვადასხვა დაავადებასთან-მეცნიერების დასკვნა 2021, 10 იანვარი, 14:40  ფართომასშტაბიანი კვლევა 30 წელს გაგრძელდა და მისი ავტორები საბოლოოდ მზად არიან გამოაქვეყნონ დასკვნა - როგორ მოქმედებს სისხლის ჯგუფი ადამიანის სიცოცხლეზე. სისხლის ჯგუფს ბევრი რამის თქმა შეუძლია. ცოტა ხნის წინ მეცნიერებმა დანიიდან დაადასტურეს, რომ კონკრეტული ადამიანის სისხლის ჯგუფით სავარაუდო დაავადებების პროგნოზირებაც კი შეიძლება. მკვლევარები დანიიდან 30 წლის განმავლობაში 66 ათასი ადამიანის ჯანმრთელობას აკვირდებოდნენ. მათი ჰიპოთეზა დაადასტურა, რომ გარკვეული დაავადებების განვითარება შეიძლება ასოცირებული იყოს სისხლის ჯგუფთან. მეცნიერთა თქმით, მეორე, მესამე და მეოთხე ჯგუფის სისხლის მქონე ადამიანებს აქვთ ვენების თრომბოზის ან ფეხებში თრომბის განვითარების ძალიან მაღალი რისკი. გარდა ამისა, მეოთხე სისხლის ჯგუფის მქონე ადამიანები უფრო მგრძნობიარენი არიან გულსისხლძარღვთა დაავადებების მიმართ.ამასთანავე ასაკის მატებასთან ერთად, ისინი მეხსიერების დაკარგვას და დემენციას განიცდიან. მკვლევარებმა განმარტეს, რომ ეს შეიძლება სპეციალური ტიპის ცილის შემცველობით იყოს გამოწვეული, აღმოჩნდა, რომ მეორე ჯგუფის სისხლი ზრდის კუჭის კიბოს განვითარების რისკს. მეცნიერებმა ყველაზე კარგი დასკვნა პირველი ჯგუფის მფლობელებზე დადეს. კვლევის თანახმად, პირველი სისხლის ჯგუფის მქონე ადამიანები რაიმე განსაკუთრებული სენით უფრო იშვიათად ავადდებიან . გარდა ამისა, ისინი ინსულტისგან ყველაზე მეტად დაცულები არიან. მათთვის ასეთი დარტყმის რისკი მხოლოდ 9% -ს შეადგენს.
|
კომენტარები არ არის, დაწერეთ პირველი კომენტარი |
  |
Intermedia.ge © 2011-2024 წელი
საავტორო უფლებები დაცულია
 |
