აიამ ცემანი შავი მელნისფერი ქათამია, რომელიც მკვიდრობს ინდონეზიაში და მსოფლიოში ფრინველის ამ სახეობიდან ყველაზე ძვირი ღირს. მისი ფასი 2500 დოლარია. ქათმის ამ ჯიშის სახელი მომდინარეობს სოფელ ცემანიდან, სადაც იგი გამოჰყავთ, ხოლო "აიამ" ინდონეზიურ ქათამს ეწოდება ზოგადად.

აიამ ცემანი ქათმის იშვიათი, უჩვეულო და შედარებით თანამედროვე ჯიშია ინდონეზიიდან. მას აქვს დომინანტური გენი, რომელიც იწვევს ჭარბ შეფერილობას, ჰიპერპიგმენტაციას, იმავე ფიბრომელანოზს, რის გამოც ქათამი მთლიანად, კანიანად შავი რჩება.

აიამ ცემანს შავი შეფერილობის აქვს არა მხოლოდ ბუმბული, სახე და კანი, არამედ კუნთები და ძვლებიც. მისი ხორცი შავია, გამონაკლისია მხოლოდ ცემანის სისხლი და კვერცხი. აქვს მოვარდისფრო-მოკრემისფრო კვერცხი. აიამ ცემანის ჯიშის ქათამი პირველად აღწერეს ჰოლანდიელმა კოლონისტებმა.

აიამ ცემანი ინდონეზიაში ფართოდაა ხელმისაწვდომი. ბაზარზე ის იყიდება ხარისხის მიხედვით. ხარისხი დამოკიდებულია მის ზომაზე, ასევე ხორცისა და კანის სიმუქეზე.

აიმ ცემანის ქათმის ფასი 50-დან (წიწილები) 2500 დოლარამდე მერყეობს, ზომისა და ხარისხის შესაბამისად.

ჰარვარდის უნივერსიტეტის ანთროპოლოგი, ვერონიკა კუსუმარიატი აცხადებს, რომ ქათმის ეს ძვირადღირებული ჯიში, აიამ ცემანი უკავშირდება ადგილობრივი ელიტებისა და სამეფო ოჯახის ცხოვრების წესს. ამ ჯიშის ქათამი რიტუალებში გამოიყენებოდა ჯერ კიდევ მე-12 საუკუნეში, ცემანის ჯიშის ქათმები ასრულებდნენ მაცნეების როლს სააქაო და საიქიო, ამქვეყნიურ და იმქვეყნიურ ძალებს შორის. გადმოცემა ირწმუნება, რომ " სამყარო დასახლებულია კარგი და ცუდი სულებით, რომელთა ძალა შეიძლება, კონცენტრირდეს, რათა ადამიანებს დაეხმაროს ძალაუფლების, რეპუტაციისა და სიმდიდრის მოპოვებაში. ამ მიზნების მისაღწევად ცემანის წიწილა უნდა შესწირონ, შესთავაზონ სულებს, რადგან მათ უყვართ ქათმის ამ უჩვეულო და იშვიათი ჯიშის ხორცი და სისხლი".