საზოგადოება " ნუგზარ ბაგრატიონმა დნმ-ის ანალიზი ჩაიტარა, თუმცა კვლევა არ ჩატარებულა სიხარულიძის გვარზე " 2019, 13 მარტი, 19:31
„-ეთნოგენეტიკური კვლევის პროექტი ჩემი ინიციატივით დაიწყო და საპატრიარქოს საუნივერსიტეტო სივრცეში მიმდინარეობდა. შემდეგ უნივერსიტეტის ხელმძღვანელობამ ეს პროექტი დახურა და პატრიარქმა დააფუძნა ცალკე ორგანიზაცია „ეთნოგენეტიკის კვლევის ცენტრი“ და გავაგრძელეთ ეს საქმიანობა. ამჟამად 1 200 გვარია შესწავლილი. ზოგ შემთხვევაში გენეტიკური კვლევები ამერიკისა და ევროპის ლაბორატორიებში გაკეთდა, ნაწილი – საქართველოში. ამ კვლევაში მოხვდა ბაგრატიონების გვარის რამდენიმე წარმომადგენელი. რა თქმა უნდა, ანალიზით გვარი დგინდება, თანაც 100%–იანი სიზუსტით. როდესაც მუხრანბატონის ადვოკატი აცხადებს, რომ ნუგზარ ბაგრატიონ–გრუზინსკი სიხარულიძეაო, უნდა წარმოადგინოს სიხარულიძის გენეტიკური კოდი. ჩაუტარეს მათ ანალიზი? როგორ ამტკიცებს, რომ სიხარულიძეა. თუ ამაზე ტელედებატები მოეწყობა, საზოგადოება სიმართლეს იოლად დაინახავს. მე ამისთვის მზად ვარ“, – განაცხადა გიორგი ანდრიაძემ. მან ასევე აღნიშნა, რომ მათ ცენტრში მიიტანეს ნუგზარ ბაგრატიონ–გრუზინსკის ანალიზი და ჩაატარეს კვლევა, თუმცა კვლევის შედეგები კონფიდენციალურია. 54 1-ს მოსწონს
|